ہتھ گورے گورے نے
اُسدے اشارے نے رُکھ پُٹ پُٹ تورے نے
Hatth gore gore ne
Usde ishare ne rukh putt putt tore ne
اکھاں نوری کٹورے نے
سُرمہ طغی دا اے مازاغ دے ڈورے نے .
Akhan noori kattore ne
Surma tagha da ae mazaagh de dore ne .
الم نشرح سینہ ایں
زُلف واليل اوہدی ودھ عنبروں پسینہ ایں
Alam nashrah seenh ean
Zulf walleil ohdi wadh anbroo pasinah ean
اوہدی شکل نورانی ایں
مُکھ والشمس اوہدا والفجر پیشانی ایں
Ohdi shakl noorani ean
Mukh walshams ohda walfajr peshani ean
راہی افلاک دا اے
طہ تے قدم نُوری سرتاج لولاک دا اے
Rahi aflaak da ae
Taha te qadam noori sartaj lolak da ae
ابرو نے قُوسَين
یُوحی لب دونویں دو صاد نے دو نیناں
Abroo ne qosain
Yuhyi lab donow donwein do saad ne do nainan
دل عاشقاں ویچے نے
زُلف واليل اندر حامیم دے پیچے نے
Dil ashiqan veche ne
Zulf walleil andar hameem de peeche ne
او ادنی دنی تیکر
بلکہ اوہ چن عربی گیا توڑ خُدا تیکر
O adna dni teeker
Balkay oh chan arbi gaya todh Khuda teeker
اسمان دے سب تارے
رات معراج دی نوں اوہدے قدماں توں رب وارے
Asmaan de sab tare
Raat meiraj di noon ohde qadman toon Rab ware
رہی گل نہیں ضرورت تے
قرآن دی ہر سُورۃ بنی سوہنے دی صورت تے
Rahi gal nahi zarurat te
Quran di har surat bani sohne di soorat te
چھب پھدی اے جانی نوں
کہیا رب نے مدثر ہے اوہدی بُرد یمانی نوں
Chab phdi ae jani noo
Kahya Rab ne muddathir hai ohdi burd e yamani noo
لولاک دا تاج کہیا
صائم اوہدے سینے نوں کدی رب نے زُجاج کہیا
Lolak da taj kahya
Sa'im ohde seenay noo kadi Rab ne zujaaj kahya
Share This Naat
Share with friends and family
ہتھ گورے گورے نے
علامہ صائم چشتی