حاصل نہیں جو آگہی تو علم و فن ہے کیا
ذکرِ نبیؐ اگر نہیں مشقِ سخن ہے کیا
Haasil nahi jo aagahi to ilm o fan hai kya
Zikr-e-Nabiؐ agar nahi mashq-e-sukhan hai kya
سرکارؐ دو جہاں کے پسینے کے سامنے
عطر و گلاب و عنبر و مشکِ ختن ہے کیا
Sarkarؐ do jahan ke paseene ke saamne
Atr o gulaab o anbar o mushk-e-khatn hai kya
حسنِ نبیؐ کا فیض ہے گلشن کی رونقیں
اس کے بغیر نکہتِ سر و سمن ہے کیا
Husn-e-Nabiؐ ka faiz hai gulshan ki ronaqein
Is ke baghair nakkat-e-sar o saman hai kya
مجلس ہے خیر سے تہی ذکرِ نبیؐ بنا
ان کی نہیں ہے گفتگو وہ انجمن ہے کیا
Majlis hai khair se tehi zikr-e-Nabiؐ bana
Un ki nahi hai guftugu wo anjuman hai kya
دندان ہیں کہ نُور کے موتی جڑے ہوئے
ان کی چمک کے سامنے لعلِ یمن ہے کیا
Dandan hai ke noor ke moti jure hue
Un ki chamak ke samne laal-e-yaman hai kya
قرآن جن کے ذکر سے معمور ہے جلیل
ان کی ثنا کرے بھلا میرا دہن ہے کیا
Quran jin ke zikr se mamoor hai jaleel
Un ki sana kare bhala mera dahan hai kya
Share This Naat
Share with friends and family
حاصل نہیں جو آگہی تو
حافظ عبدالجلیل