ہر رنگ میں اُن کا جلوہ ہے ہر حُسن میں اُن کی رعنائی
ہر قلب میں اُن کا مسکن ہے ہر آنکھ میں ان کی زیبائی
Har rang mein un ka jalwa hai har husn mein un ki runai
Har qalb mein un ka maskan hai har aankh mein un ki zebai
بے چَین ہوں یا د بطحا میں ، سہتا ہوں جُدائی کے صدمے
دِل ہجر نبیؐ میں روتا ہے ، تڑپاتی ہے شب کی تنہائی
Be chain hoon yaad-e-Bat'ha mein, sahta hoon judaai ke sadme
Dil hijr-e-Nabiﷺ mein rota hai, tadpati hai shab ki tanhai
مُنہ مانگی مرادیں مِلتی ہیں ، ہر غم کا مَداوا ہوتا ہے
دَر بار نبئِ اکرم سے جو چیز بھی مانگی وہ پائی!
Munh maangi muraden milti hain, har gham ka madawa hota hai
Darbar-e-Nabi-e-Akram se jo cheez bhi maangi woh pai!
جو راحتِ جاں ہے وجہِ سکوں ہر درد کا درماں کیوں نہ کہوں
وہ یاد تمہاری ہے آقا جو ھَر مشکل میں کام آئی
Jo raahat-e-jaan hai wajah-e-sukoon har dard ka darmann kyun na kahoon
Woh yaad tumhari hai aaqa jo har mushkil mein kaam aai
کہتے ہیں جِسے سب خلدِ نظر سَایہ ہے تمہارے دامن کا
نسبت ہے جِسے اس دامن سے کچھ غم ہے نہ فکرِ رُسوائی
Kehte hain jise sab khuld-e-nazar saaya hai tumhare daman ka
Nisbat hai jise is daman se kuch gham hai na fikr-e-ruswai
جب لطف ہے شاہِ دو عالم اے حُسنِ مجسم جانِ کرم
ہم بھی ہوں وہاں حاضر کہ جہاں ہے آپ کی جلوہ آرائی
Jab lutf hai Shah-e-Do Alam ay husn-e-mujassam jaan-e-karam
Hum bhi hoon wahan haazir ke jahan hai aap ki jalwa aarai
یہ ان کے کرم کا صدقہ ہے ، یہ ان کی عطا کی باتیں ہیں
خُدّام کو بخشا تاجِ شہی منگتوں پہ تصّدق دارائی
Yeh un ke karam ka sadqa hai, yeh un ki ataa ki baatein hain
Khuddam ko bakhsha taaj-e-shahi mangton pe tassadduq darai
کشتیِ محبت سے لاکھوں طوفانِ حوادث ٹکرائے
پِھر بھی سرِ ساحِل اے خالدِؔ سرکار کی نسبت لَے آئی
Kashti-e-mohabbat se laakhon toofaan-e-hawadis takraae
Phir bhi sar-e-sahil ay Khalid, Sarkar ki nisbat le aai
Share This Naat
Share with friends and family
ہر رنگ میں اُن کا جلوہ ہے
خالد محمود خالد