حمد کی یوں توقیر بڑھائی جاتی ہے
’’حمد سے پہلے میم لگائی جاتی ہے‘‘
Hamd ki yun toqeer barhayi jati hai
"Hamd se pehlay meem lagayi jati hai"
خوش بختی کے در پر دستک دینے کو
نعتِ نبیؐ کی بزم سجائی جاتی ہے
Khush bakhti ke dar par dastak dene ko
Naat-e-Nabiؐ ki bazm sajayi jati hai
نامِ نبیؐ پر جان لٹا کر ، عاشق کو
جینے کی تدبیر بتائی جاتی ہے
Naam-e-Nabiؐ par jaan luta kar, aashiq ko
Jeene ki tadbeer batayi jati hai
خاکِ دیارِ شاہؐ پہ عشق کے سجدے کی
ماتھے پہ تصویر بنائی جاتی ہے
Khaak-e-diyar-e-Shahؐ pe ishq ke sajday ki
Maathay pe tasveer banayi jati hai
ہر محفل میں برکت لانے کی خاطر
سب سے پہلے نعت سنائی جاتی ہے
Har mehfil mein barkat lanay ki khaatir
Sab se pehlay naat sunayi jati hai
ان کی شفاعت کے مژدے کے سائے میں
بخشش کی امید سجائی جاتی ہے
Un ki shafa'at ke mujday ke saaye mein
Bakhshish ki umeed sajayi jati hai
صلِّ علیٰ کے ورد سے ، نعت کی رم جھم میں
میّت عاشق کی دفنائی جاتی ہے
Salli Ala ke Wird se, naat ki rim jhim mein
Miyat aashiq ki dafnayi jati hai
حق کی خاطر دین کی سرافرازی کو
گردن بھی سجدے میں کٹائی جاتی ہے
Haq ki khatir deen ki sarfarazi ko
Gardan bhi sajday mein katai jati hai
شکر ہے طاہرؔ حبِ آقاؐ امّت کے
بچوں کے ذہنوں میں بٹھائی جاتی ہے
Shukar hai Tahirؔ hub-e-Aaqaؐ ummat ke
Bachon ke zehno mein bithaayi jati hai
Share This Naat
Share with friends and family
حمد کی یوں توقیر بڑھائی جاتی ہے
پروفیسر محمد طاہر صدیقی