بڑی دیر کی ہے تمنا، الہٰی مجھے بھی دکھا دے دیارِ مدینہ
لگاؤں میں سینے سے روضے کی جالی سجاؤں میں سر پر غبارِ مدینہ
bari der ki hai tamana, ilahi mujhe bhi dikha de dayar-e-Madina
lagaon main seene se roze ki jali sajaon main sar par ghubar-e-Madina
چلیں جس گھڑی ٹھنڈی ٹھنڈی ہوائیں مجھے یاد آئیں حرم کی فضائیں
کسی بھی چمن میں نہ جی کو لگائے کہ دیکھی ہو جس نے بہارِ مدینہ
chalen jis ghari thandi thandi hawayen mujhe yaad aayen haram ki fazayen
kisi bhi chaman mein na jee ko lagaye ke dekhi ho jis ne bahar-e-Madina
مدینے کی فرقت میں میں نیم جاں ہوں خیالوں میں گم ہوں نہ جانے کہاں ہوں
مجھے دیکھ کر یوں کہیں لوگ سارے کہ جاتا ہے وہ بے قرارِ مدینہ
Madine ki furqat mein main neem jaan hoon khayalon mein gum hoon na jane kahan hoon
mujhe dekh kar yun kahein log sare ke jata hai wo beqarar-e-Madina
خدا کو ہے محبوب طیبہ کی بستی جہاں جلوہ گر اس کی محبوب ہستی
ہوا وہ بھی محبوب سارے جہاں کو ہوا جو بھی دل سے نثارِ مدینہ
khuda ko hai mahboob Tayba ki basti jahan jalwaghar us ki mahboob hasti
hua wo bhi mahboob sare jahan ko hua jo bhi dil se nisar-e-Madina
مرا آخری وقت جس وقت آئے مدینے کی ٹھنڈی ہوا ساتھ لائے
مری آنکھیں رکھنا کھلی میرے یارو کہ ہوگا مجھے انتظارِ مدینہ
mera aakhri waqt jis waqt aaye Madine ki thandi hawa sath laaye
meri aankhen rakhna khuli mere yaro ke hoga mujhe intezar-e-Madina
مجھے اپنی رحمت کی سوغات دے دو بس اپنے ہی جلوے کی خیرات دے دو
ظہوریؔ بھی در پر کھڑا ہے سوالی کرم کیجئے تاجدارِ مدینہ
mujhe apni rehmat ki soghat de do bas apne hi jalwe ki khairat de do
Zahoori bhi dar par khara hai sawali karam kijiye tajdar-e-Madina
Share This Naat
Share with friends and family
بڑی دیر کی ہے تمنا، الہٰی مجھے بھی دکھا دے دیارِ مدینہ
محمد علی ظہوری