پیشِ حق مژدہ شفاعت کا سُناتے جائیں گے
آپ روتے جائیں گے ہم کو ہنساتے جائیں گے
Paish-e Haq mujda-e shafa'at ka sunaate jaaenge
Aap rote jaaenge hum ko hansaate jaaenge
دل نکل جانے کی جا ہے آہ کن آنکھوں سے وہ
ہم سے پیاسوں کے لیے دریا بہاتے جائیں گے
Dil nikal jaane ki ja hai aah kin aankhon se woh
Hum se pyaason ke liye dariya bahaate jaaenge
کُشتگانِ گرمیِ محشر کو وہ جانِ مسیح
آج دامن کی ہوا دے کر جِلاتے جائیں گے
Kushtagaan-e garmi-e mahshar ko woh jaan-e Maseeh
Aaj daaman ki hua de kar jilaate jaaenge
گل کِھلے گا آج یہ اُن کی نسیمِ فیض سے
خون روتے آئیں گے ہم مسکراتے جائیں گے
Gul khilega aaj ye un ki naseem-e faiz se
Khoon rote aayenge hum muskaraate jaaenge
ہاں چلو حسرت زدو سُنتے ہیں وہ دن آج ہے
تھی خبر جس کی کہ وہ جَلوہ دِکھاتے جائیں گے
Haan chalo hasrat zado sunte hain woh din aaj hai
Thi khabar jis ki ke woh jalwa dikhaate jaaenge
آج عیدِ عاشِقاں ہے گر خدا چاہے کہ وہ
ابروئے پیوستہ کا عالَم دِکھاتے جائیں گے
Aaj Eid-e aashiqaan hai gar Khuda chahe ke woh
Abroy-e piwasta ka aalam dikhaate jaaenge
کچھ خبر بھی ہے فقیرو آج وہ دن ہے کہ وہ
نعمتِ خلد اپنے صَدقے میں لُٹاتے جائیں گے
Kuch khabar bhi hai faqeeron aaj woh din hai ke woh
Nemat-e khuld apne sadqe mein lutaate jaaenge
خاک اُفتادو بس اُن کے آنے ہی کی دیر ہے
خود وہ گر کر سجدہ میں تم کو اُٹھاتے جائیں گے
Khaak uftado bas un ke aane hi ki der hai
Khud woh gir kar sajda mein tum ko uthaate jaaenge
وُسعتیں دی ہیں خدا نے دامنِ محبوب کو
جرم کھلتے جائیں گے اور وہ چھپاتے جائیں گے
Wusatain di hain Khuda ne daaman-e Mahboob ko
Jurm khulte jaaenge aur woh chhupaate jaaenge
لو وہ آئے مسکراتے ہم اسیروں کی طرف
خرمنِ عِصیاں پر اب بجلی گراتے جائیں گے
Lo woh aaye muskaraate hum aseeron ki taraf
Khurman-e isiyan par ab bijli giraate jaaenge
آنکھ کھولو غمزدو دیکھو وہ گِریاں آئے ہیں
لوحِ دل سے نقشِ غم کو اب مِٹاتے جائیں گے
Aankh kholo ghamzado dekho woh giryaaan aaye hain
Loah-e dil se naqsh-e gham ko ab mitaate jaaenge
سوختہ جانوں پہ وہ پُر جوش رحمت آئے ہیں
آب کوثر سے لگی دِل کی بجھاتے جائیں گے
Sokhta jaano pe woh pur josh rahmat aaye hain
Aab-e Kausar se lagi dil ki bujhaate jaaenge
آفتاب اُن کا ہی چمکے گا جب اَوروں کے چراغ
صرصرِ جوشِ بلا سے جِھلملاتے جائیں گے
Aftaab un ka hi chamkega jab auron ke charaagh
Sarsar-e josh-e bala se jhilmilaate jaaenge
پائے کُوباں پُل سے گزریں گے تِری آواز پر
رَبِّ سَلِّمْ کی صَد ا پر وَجد لاتے جائیں گے
Paaye koobaan pul se guzrenge teri aawaaz par
Rabbi Sallim ki sada par wajd laate jaaenge
سرورِ دِیں لیجے اپنے ناتوانوں کی خبر
نفس و شیطاں سیّدا کب تک دَباتے جائیں گے
Sarwar-e deen lije apne naatwaanon ki khabar
Nafs o shaitaan Sayyida kab tak dabaate jaaenge
حشر تک ڈالیں گے ہم پَیدائشِ مولیٰ کی دُھوم
مِثل فارِس نجد کے قلعے گراتے جائیں گے
Hashr tak daalenge hum paidaaish-e Maula ki dhoom
Misl-e Faars Najd ke qilay giraate jaaenge
خاک ہو جائیں عدو جل کر مگر ہم تو رضاؔ
دَم میں جب تک دَم ہے ذِکر اُن کا سُناتے جائیں گے
Khaak ho jaayen adu jal kar magar hum to Raza
Dam mein jab tak dam hai zikr un ka sunaate jaaenge
Share This Naat
Share with friends and family
پیشِ حق مژدہ شفاعت کا سُناتے جائیں گے
احمد رضا خان بریلوی