حمدِ خدا ہے قدرتِ داور کی بات ہے
نوکِ زباں پہ خالقِ اکبر کی بات ہے
Hamd-e Khuda hai qudrat-e dawar ki baat hai
Nok-e zabaan pe Khaaliq-e Akbar ki baat hai
لب پر جو حسنِ عالمی منظر کی بات ہے
نیرنگیِ مشیتِ داور کی بات ہے
Lab par jo husn-e aalmi manzar ki baat hai
Nairangi-e mashiyat-e dawar ki baat hai
تنویرِ مہر و ماہ نہ اختر کی بات ہے
ہر سو جمالِ روئے پیمبر کی بات ہے
Tanveer-e mehr o maah na akhtar ki baat hai
Har soo jamaal-e roye paimbar ki baat hai
ذکرِ رسولِ پاکؐ ہے موضوعِ گفتگو
بزمِ نبیؐ ہے سیرتِ سرور کی بات ہے
Zikr-e Rasool-e Paak (S.A.W) hai mauzoo-e guftagu
Bazam-e Nabi (S.A.W) hai seerat-e sarwar ki baat hai
دُرِ یتیم پا کے حلیمہ ہیں خوش بہت
خوش کیوں نہ ہوں یہ اوجِ مقدر کی بات ہے
Durr-e yateem paa ke Haleema hain khush bohot
Khush kyun na hon ye auj-e muqaddar ki baat hai
ذکرِ خدائے پاک ہے ہر روح کی غذا
راحت رسانِ قلب پیمبر کی بات ہے
Zikr-e Khudaaye Paak hai har rooh ki ghaza
Rahat rasan-e qalb paimbar ki baat hai
ہو گا نہ ان کو حشر میں تشنہ لبی کا خوف
جن کی زباں پہ ساقیِ کوثر کی بات ہے
Ho ga na un ko hashr mein tashna labi ka khauf
Jin ki zabaan pe saqi-e Kausar ki baat hai
فکرِ رسا کہاں مری نعتِ نبیؐ کہاں
قطرے کے لب پہ گویا سمندر کی بات ہے
Fikr-e rasa kahaan meri naat-e Nabi (S.A.W) kahaan
Qatre ke lab pe goya samandar ki baat hai
کیا وصف چار یارِ نبیؐ کا بیان ہو
ذرہ مری بساط ہے گوہر کی بات ہے
Kya wasf chaar yaar-e Nabi (S.A.W) ka bayan ho
Zarra meri bisaat hai gohar ki baat hai
احسؔن کی نعت کیوں نہ عبادت میں ہو شمار
رب کی ثنا ہے اس میں پیمبر کی بات ہے
Ahsan ki naat kyun na ibadat mein ho shumaar
Rab ki sana hai is mein paimbar ki baat hai
Share This Naat
Share with friends and family
حمدِ خدا ہے قدرتِ داور کی بات ہے
احسن اعظمی