ہو گیا حاجِیوں کا شُروع اب شُمار
اِذن مجھ کو بھی دے دو شہِ ذی وقار
Ho gaya haji'yion ka shuru ab shumaar
Izne muj ko bhi de do shahy zi wqar
تیری نظرِ کرم کا ہوں اُمّیدوار
گو مِرے جُرم سرکار ہیں بے شمار
Teri nazray karam ka hoon umeedwar
Go mere jurm sarkar hain bay shumaar
پھر مدینے کی جانب چلے قافلے
ہو گئے عاشِقانِ نبی بے قرار
Phir madine ki janib chale qaflay
Ho gaye ashiqane nabi bay qarar
از پئے غوثِ اعظم نگاہِ کرم
پھر دکھا دو مدینے کے لَیل و نَہار
Az paye ghous-e-azam nigah-e-karam
Phir dikha do madine ke lail o nahar
میرے میٹھے مدینے کی کیا بات ہے
ہے فَضا مہکی مہکی ہوا خوشگوار
Mere meethay madine ki kya baat hai
Hai faza mehki mehki hawa khushgwaar
جس قَدَر بھی ہیں اسلامی بھائی بہن
سب کو بُلواؤ محبوبِ پروردگار
Jis qdar bhi hain islami bhai bahin
Sab ko bulwao mehboobe parwardigaar
عَرش پر فرش پر خُلد پر خَلق پر
اذنِ رب سے ہے نافِذ ترا اقتِدار
Arsh par farsh par khuld par khalq par
Izne Rab se hai naafiz tera iqtidaaar
کیجئے دُور دنیا کے رنج و اَلَم
آپ پر میرے حالات ہیں آشکار
Kejiye door duniya ke ranj o alam
Aap par mere halaat hain ashdaar
میرے نزدیک آئے نہ پت جھڑ کبھی
تاجدارِ مدینہ دو ایسی بہار
Mere nazdeek aaye na pat jhar kabhi
Taajdar-e-madina do aisee bahaar
پھنس گئی ناؤ عِصیاں کے طوفان میں
اب لگا دو مِرے ناخدا جلد پار
Phans gayi nao isyaan ke toofan mein
Ab laga do mere nakhuda jald paar
میرے دامانِ تَر کی شفیعُ الورٰی
لاج رکھنا خدارا بَروزِ شمار
Mere daman-e-tar ki shafi'ul wary
Laaj rakhna khudara baroz-e-shumaar
سنّتوں کا میں چرچا کروں رات دن
ہو عطا ایسا جذبہ پئے چاریار
Sunnaton ka mein charcha karun raat din
Ho ataa aisa jazba paye chaar yar
اے مدینے کے زائر درِ پاک پر
عرض کرنا مِرا بھی سلام اشکبار
Ay madine ke zair dar-e-paak par
Arz karna mera bhi salam ashkbaar
پیرومرشِد کے صدقے ہو ایسی عطا
آئے عطارؔ دربار میں باربار
Peer o murshid ke sadqay ho aise ataa
Aaye Attar darbaar mein baar baar
Share This Naat
Share with friends and family
ہو گیا حاجِیوں کا شُروع اب شُمار
الیاس عطار قادری