حلقے میں رسولوں کے وہ ماہِ مدنی ہے
کیا چاند کی تنویر ستاروں میں چھنی ہے
Halqay mein Rasoolon ke woh mah-e-Madni hai
Kya chaand ki tanveer sitaron mein chhni hai
کہدے میرے عیسٰی سے مدینے میں یہ کوئی
اب جان پہ بیمارِ مَحَبّت کے بنی ہے
Kehde mere Eisa se Madine mein yeh koi
Ab jaan pe beemar-e-muhabbat ke bani hai
محبوب کو بے دیکھے ہوئے لوٹ رہے ہیں
عشّاق میں کیا رنگِ اویسِ قرنی ہے
Mehboob ko be dekhey huye laut rahe hain
Ashiqon mein kya rang-e-Owais-e-Qarni hai
گھر سے کہیں اچھا ہے مدینے کا مسافر
یاں صبحِ وطن شامِ غریب الوطنی ہے
Ghar se kahin acha hai Madine ka musafir
Yaan subah-e-watan shaam-e-ghareeb al-watni hai
معراج میں حوروں نے جو دیکھا تو یہ بولیں
کس نوک پلک کا یہ جوانِ مدنی ہے
Me'raj mein hooron ne jo dekha to yeh bolen
Kis nok palak ka yeh jawan-e-Madni hai
اِک عمر سے جلتا ہے مگر جل نہیں چکتا
کس شمع کا پروانہ اویسِ قرنی ہے
Ik umr se jalta hai magar jal nahi chukta
Kis shama ka parwana Owais-e-Qarni hai
عشاق سے پوچھے نہ گئے حشر میں اعمال
کیا بگڑی ہوئی بات مَحَبّت سے بنی ہے
Ashiqon se poochhe na gaye hashr mein aamaal
Kya bigri hui baat muhabbat se bani hai
یاد احمدِ مختار کی ہے کعبہِ دل میں
مکے میں عیاں جلوہِ ماہِ مدنی ہے
Yaad Ahmad-e-Mukhtar ki hai Kaaba-e-dil mein
Makay mein ayaan jalwa-e-mah-e-Madni hai
کس شوق سے جاتے ہیں مدینے کے مسافر
محبوب وطن سے کہیں یہ بے وطنی ہے
Kis shauq se jaate hain Madine ke musafir
Mehboob watan se kahin yeh be-watni hai
کہتا ہے مسافر سے یہ ہر نخلِ مدینہ
آرام ذرا لے لو یہاں چھاؤں گھنی ہے
Kehta hai musafir se yeh har nakhl-e-Madina
Aaram zara le lo yahaan chhaon ghni hai
آغوشِ تصور میں بھی آنا نہیں ممکن
حوروں سے بھی بڑھ کر تری نازکبدنی ہے
Aaghosh-e-tasawwur mein bhi aana nahi mumkin
Hooron se bhi badh kar teri naazukbadni hai
اللہ کے محبوب سے ہے عشق کا دعوٰی
بندوں کا بھی کیا حوصلہ اللہ غنی ہے
Allah ke mehboob se hai ishq ka daawa
Bandon ka bhi kya hosla Allah ghani hai
آنکھوں سے ٹپکتا ہے مری رنگِ اویسی
جو لختِ جگر ہے وہ عقیقِ یمنی ہے
Aankhon se tapakta hai meri rang-e-Owaisi
Jo lakht-e-jigar hai woh aqeeq-e-Yamani hai
میں اس کے غلاموں میں ہوں جو سب کا ہے آقا
سردارِ رسل سیّدِ مکی مدنی ہے
Main us ke ghulamon mein hoon jo sab ka hai aqa
Sardar-e-rusul Sayyid-e-Makki Madni hai
Share This Naat
Share with friends and family
حلقے میں رسولوں کے وہ ماہِ مدنی ہے
امیر مینائی