بلا سبب تو نہیں ہے کھلا دریچۂ خیر
صبا نے دل کو سنایا کسی کا گفتۂ خیر
bila sabab to nahin hai khula dareecha-e-khair
saba ne dil ko sunaya kisi ka gufta-e-khair
ریاضِ جاں میں انہی سے کھلے ہیں خیر کے گل
دل و نگاہ انہی سے بنے حدیقۂ خیر
riaz-e-jaan mein inhi se khulay hain khair ke gul
dil o nigah inhi se banay hadeeqa-e-khair
بچھا کے بیٹھے ہیں آنکھیں کہ ہو گا ان کا گزر
چمک رہا ہے امیدوں سے دل کا خیمۂ خیر
bicha ke baithe hain aankhen ke hoga un ka guzar
chamak raha hai umeedon se dil ka khaima-e-khair
گزر رہی ہے جو بادِ نسیم دھیرے سے
کسی غلام کا لے کر چلی ہے تحفۂ خیر
guzar rahi hai jo baad-e-naseem dheere se
kisi ghulam ka le kar chali hai tohfa-e-khair
صبا کے لب پہ جو رہتی ہے نغمگی ہر دَم
درود پڑھتی ہے یا پھر سلامِ نغمۂ خیر
saba ke lab pe jo rehti hai naghmegi har dam
darood padhti hai ya phir salaam-e-naghma-e-khair
کرم پہ ان کے یقیں ہے مجھے بلائیں گے
انہیں خبر ہے ہماری بلا عریضۂ خیر
karam pe un ke yaqeen hai mujhe bulayenge
unhein khabar hai humari bila areeza-e-khair
ذرا سا رک تو اجل اور لے ذرا سا دَم
ابھی دکھائیں گے مجھ کو حضور چہرۂ خیر
zara sa ruk to ajal aur le zara sa dam
abhi dikhayenge mujh ko huzoor chehra-e-khair
کہیں پہ سعدی و جامی، کہیں پہ بو صیری
سبھی کی فکر کا حاصل ثنا کا توشۂ خیر
kahin pe saadi o jaami, kahin pe bu seeri
sabhi ki fikr ka hasil sana ka tosha-e-khair
کہاں رضا کا وہ لہجہ کہاں نصیر کا رنگ
کہاں وہ حُسْنْ حَسَنْ کاکہاں یہ ھدیۂ خیر
kahan raza ka wo lehja kahan naseer ka rang
kahan wo husn hasan kakahan ye hadiya-e-khair
انہی کے اذن سے جب بھی ہوئی ہے نعت رقم
ظفر نصیب ہوا ہے مجھے بھی خامۂ خیر
inhi ke izn se jab bhi hui hai naat raqam
zafar naseeb hua hai mujhe bhi khama-e-khair
Share This Naat
Share with friends and family
بلا سبب تو نہیں ہے کھلا دریچۂ خیر
محمد ظفراقبال نوری