ہے یہ حسرت ترا ذکر جب میں کروں اے شہِ دوسرا شاہدِ ذو المنن
تن بدن ہی نہیں دل بھی ہو با وضو نعت تیری پڑھیں جب زبان و دہن
hai yeh hasrat tura zikr jab mein karun ae shah-e-dosra shahid-e-zu al-manan
tan badan he nahi dil bhi ho ba wuzu naat teri parhen jab zabaan o dahan
ہو گیا نور و نکہت سے دلکش سماں، باغِ انسانیت ہوگیا بے خزاں
ہو گئی جب پیمبر کی جلوہ گری مسکرانے لگا زندگی کا چمن
ho gaya nur o nikkhat se dilkash samaan, bagh-e-insaniyat hogaya be khazan
ho gayi jab paighambar ki jalwah gari muskarane laga zindagi ka chaman
دشت و صحرا میں جب پائے اقدس پڑے ، رحمتوں کے گلِ تر مہکنے لگے
ایسی باغِ عرب کی بڑھی دلکشی رشک کرنے لگا حسنِ باغِ عدن
dasht o sahra mein jab paaye aqdas pare, rehmaton ke gul-e-tar mehkne lage
aisi bagh-e-arab ki barhi dilkashi rashk karne laga husn-e-bagh-e-adan
فخرِ کون و مکاں آپ ہیں یا نبیؐ، رحمتِ دو جہاں آپ ہیں یا نبیؐ
آپ والشّمس و والنجم کی شان ہیں آپ کی ذات ہے نور کی انجمن
fakhr-e-kawn o makan aap hain ya nabi ﷺ, rehmat-e-do jahan aap hain ya nabi ﷺ
aap wa ash-shams wa an-najm ki shaan hain aap ki zaat hai nur ki anjuman
مرحبا مرحبا ورد کرتے ہوئے آرہے ہیں ملائک یہ مژدہ لیے
ہو مبارک ہوئے رحمتِ دو جہاں آمنہ بی کے گھر آج جلوہ فگن
marhaba marhaba wardi karte hue aarahe hain malaaik yeh mujda liye
ho mubarak huye rehmat-e-do jahan amna bi ke ghar aaj jalwa fagan
اللہ اللہ معراجِ شاہِ امم، منزلِ قاب قوسین چومے قدم
شانِ رفعت تو دیکھو خدا کی قسم، عرشِ اعظم پہ ہیں آپ جلوہ فگن
Allah Allah miraj-e-shah-e-umm, manzil-e-qab qawsain chume qadam
shaan-e-rafat to dekho khuda ki qasam, arsh-e-azam pe hain aap jalwa fagan
واقعی جو ہے شیدائیِ مصطفیٰؐ، لب پہ رہتی ہے اس کے یہی اک دعا
میرا مدفن بنے سرزمینِ نبیؐ، خاکِ طیبہ میں ہو میرا گور و کفن
waqai jo hai sheedai-e-mustafa ﷺ, lab pe rehti hai is ke yehi ek dua
mera madfan bane sarzamin-e-nabi ﷺ, khak-e-taiba mein ho mera gor o kafan
بے نوا میں ہوں مجھ پر خدایا ترا، یوں ہی جاری رہے فیض کا سلسلہ
نعتِ پاک نبی روز لکھتا رہوں اور بڑھتا رہے کاروانِ سخن
be niwana mein hun mujh par khudaya tura, yun hi jari rehe faiz ka silsila
naat-e-paak nabi roz likhta rahun aur barhta rehe karwan-e-sukhan
اذنِ دیدارِ طیبہ عطا کیجیے، اپنی چوکھٹ پہ آقاؐ بلا لیجیے
حسرتِ دیدِ طیبہ لیے ہند میں منتظر کب سے ہے احسؔنِ خستہ تن
azn-e-deedar-e-taiba aata kijiye, apni chokhat pe aaqa ﷺ bula lijiye
hasrat-e-deed-e-taiba liye hind mein muntazir kab se hai Ahsan-e-khasta tan
Share This Naat
Share with friends and family
ہے یہ حسرت ترا ذکر جب میں کروں اے شہِ دوسرا شاہدِ ذو المنن
احسن اعظمی