ہے اُچا عرشِ عظیم توں رتبہ تے شان مدینے دا
جتھے یار خُدا دا وسدا اے سوہنا سلطان مدینے دا
hai ucha arsh-e-azeem ton rutba te shan Madeene da
jithe yaar Khuda da wasda ae sohna Sultan Madeene da
مرے اتھرو روکیاں نئیں رُکدے میرا سینہ سلیا جاندا اے
جد حال سناؤندا اے مینوں کوئی زائر آن مدینے دا
mare athru rokiya naheen rukde mera seena silya jaanda ae
jad haal sunawanda ae mainu koi zaair aan Madeene da
میں مر چلیا ہاں رو رو کے ہنجواں دے ڈھونے ڈھو ڈھو کے
ہُن صدقہ یار دا کر بھی دیہہ یا رب سامان مدینے دا
mein mar chaliya haan ro ro ke hanjwaan de dhone dho dho ke
hun sadqa yaar da kar bhi deih ya Rab samaan Madeene da
مرا دل پیا مینوں کہندا اے توں نال خوشی دے مر جاناں
جد خبر ملی ہن اُٹھ چھیتی جا بن مہمان مدینے دا
mera dil piya mainu kehnda ae tuun naal khushi de mar jaana
jad khabar mili han uth chheti ja ban mehmaan Madeene da
ہر اکھ وچ اتھرو آجاندے ہر عاشق دا دل روندا اے
جد شروع کتے ہو جاندا اے دلکش عنوان مدینے دا
har akh vich athru aajande har aashiq da dil ronda ae
jad shuru kite ho jaanda ae dilkash unwan Madeene da
سد در تے آقا صائم نوں تیری کالی زلف دی خیر ہووے
ہے دِل وچ میریا محبوبا ہُن بس ارمان مدینے دا
sad dar te Aaqa Sa'aim nu teri kali zulf di khair howe
hai dil vich meriya mahbooba hun bas armaan Madeene da
Share This Naat
Share with friends and family
ہے اُچا عرشِ عظیم توں رتبہ تے شان مدینے دا
علامہ صائم چشتی