ہے کبھی دُرود و سلام تو،کبھی نعت لب پہ سجی رہی
غمِ ہجر میں کبھی رو پڑا،کبھی حاضِری کی خوشی رہی
hai kabhi durood o salam to, kabhi na'at lab pe saji rahi
gham e hijr mein kabhi ro pada, kabhi hazri ki khushi rahi
تری آنکھ میں جو نمی رہی، کلی تیرے دل کی کِھلی رہی
کبھی دل میں ہُوک اُٹھی رہی،تو نگاہ تیری جھکی رہی
teri aankh mein jo nami rahi, kali tere dil ki khili rahi
kabhi dil mein huk uthi rahi, to nigah teri jhuki rahi
مجھے کردے دِیدۂ تر عطا، غمِ عشق سوزِجگر عطا
ہو بقیعِ پاک میں جاعطا، یِہی آرزوئے دِلی رہی
mujhe karde dida e tar ata, gham e ishq soz e jigar ata
ho baqi e pak mein ja'ata, yehi aarzoo e dili rahi
نہ کثیر مال کی آرزو، نہ ہی اِقتِدار کی جُستجو
میں تو سائلِ غمِ عشق ہوں ، مرے آگے ہیچ شہی رہی
na kaseer maal ki aarzoo, na hi iqtidar ki justju
main to sail e gham e ishq hoon, mere aage heech shai rahi
جسے مل گیا غمِ مصطَفٰے، اُسے زندگی کا مزہ ملا
کبھی سَیلِ اَشک رَواں ہوا، کبھی ’’آہ‘‘ دل میں دبی رہی
jisay mil gaya gham e Mustafa, usay zindagi ka maza mila
kabhi sail e ashk rawan hua, kabhi “aah” dil mein dabi rahi
یہ ہے زندَگی کوئی زندَگی، نہ نَماز ہے نہ ہی بندَگی
یہی حُبِّ جاہ کی گندَگی، تِری کیوں نظر میں بسی رہی
ye hai zindagi koi zindagi, na namaz hai na hi bandagi
yehi hub e jah ki gandagi, teri kyun nazar mein basi rahi
جو نبی کی یاد میں کھو گیا، وہ خدائے پاک کا ہوگیا
دو جہان اُس کے سنور گئے، اُسے آخِرت میں خوشی رہی
jo Nabi ki yaad mein kho gaya, woh Khuda e pak ka ho gaya
do jahan uske sanwar gaye, usay akhirat mein khushi rahi
مجھے یانبی! تری دید ہو، تِری دید ہو مِری عید ہو
تجھے جس نے دیکھا ہزا ر بار! اُسے پھر بھی تِشنہ لبی رہی
mujhe ya Nabi! teri did ho, teri did ho meri eid ho
tujhe jisne dekha hazar baar! usay phir bhi tishna labi rahi
نہ پسند آئیں چمن اُسے، نہ ہی کھیت بھائیں ہرے بھرے
جونگاہ میں ہے بسی رہی، تو مدینے ہی کی گلی رہی
na pasand aayen chaman usay, na hi khet bhayen hare bhare
jo nigah mein hai basi rahi, to madine hi ki gali rahi
مجھے اب مدینے میں لوبُلا،اِسی سال حج بھی کروں شہا
ہو کرم پئے شہِ کربلا یہی التجا مَدَنی رہی
mujhe ab madine mein lo bula, isi saal hajj bhi karoon shaha
ho karam paye shah e Karbala yehi iltija madani rahi
مِری جاں ہو جسم سے جب جدا، ہو نظر میں جلوہ ٔ مصطَفٰے
ہو مدینے میں مِرا خاتِمہ، یہ دعا خدائے غنی رہی
meri jaan ho jism se jab juda, ho nazar mein jalwa e Mustafa
ho madine mein mera khatima, ye dua Khuda e ghani rahi
مَدَنی! گناہ کی عادتیں ، نہیں جاتیں ، آپ ہی کچھ کریں
میں نے کوشِشیں کیں بَہُت مگر، مِری حالت آہ!بُری رہی
Madani! gunah ki aadatein, nahin jati, aap hi kuch karen
maine koshish ki bohat magar, meri halat aah! buri rahi
مجھے شوقِ دیں شب و روز دے، یہی ولولہ یہی سوز دے
تِری سنَّتیں کروں عام میں ، کہ اسی میں تیری خوشی رہی
mujhe shauq e deen shab o roz de, yehi waswasa yehi soz de
teri sunnatein karoon aam main, ke isi mein teri khushi rahi
تُو سگِ ؔمدینہ کو یاخدا، غمِ روزگار سے لے بچا
دے غمِ مدینہ پئے رضا یِہی بس دُعائے دِلی رہی
tu sag e Madina ko ya Khuda, gham e rozgar se le bacha
de gham e Madina paye Raza yehi bas dua e dili rahi
Share This Naat
Share with friends and family
ہے کبھی دُرود و سلام تو،کبھی نعت لب پہ سجی رہی
الیاس عطار قادری