مدینہ دیکھ کر دل کو بڑی تسکین ہووے ہے
طبیعت دور بطحا سے بہت غمگین ہو وے ہے
Madina dekh kar dil ko barri taskeen hove hai
Tabiyat duur Batha se bohat ghamgeen hove hai
مرے دل میں ابھرتا ہے تصور کملی والے کا
مرے ہونٹوں پہ جس دم سورۂ یاسین ہو وے ہے
Mere dil mein ubharta hai tasawwur kamli wale ka
Mere honto pe jis dam Surah Yaseen hove hai
وہی منشورِ دیں ہے جو مرے آقا نے فرمایا
حبیبِ کبریا کی بات ہی آئین ہو وے ہے
Wohi manshoor-e-deen hai jo mere aaqa ne farmaya
Habib-e-Kibriya ki baat hi aa'een hove hai
خیال آتا ہے جس لمحے شہِ کونین کا دل میں
دلِ برباد میں آرائش و تزئین ہووے ہے
Khayaal aata hai jis lamhe Sheh-e-Konain ka dil mein
Dil-e-barbad mein aara'ish o tazeen hove hai
بڑی بے آبرو ہووے ہے خلقت در بدر پھر کے
تری چوکھٹ پہ آ کر صاحبِ تمکین ہووے ہے
Barri be aabroo hove hai khalqat dar badar phir ke
Teri chaukhat pe a kar sahib-e-tamkeen hove hai
نبی کا عشق رکھنا اپنے سینے میں حفاظت سے
ہمیشہ ماں کے ہونٹوں پر یہی تلقین ہووے ہے
Nabi ka ishq rakhna apne seenay mein hifaazat se
Hamesha maan ke honto par yahi talqeen hove hai
میں نعتِ مصطفیٰ کے لفظ بنتا ہوں محبت سے
تو پھر اشفاقؔ بے حد نعت کی تحسین ہووے ہے
Mein naat-e-Mustafa ke lafz banta hoon mohabbat se
To phir Ashfaq be had naat ki tahseen hove hai
Share This Naat
Share with friends and family
مدینہ دیکھ کر دل کو بڑی تسکین ہووے ہے
اشفاق احمد غوری