Manqabat
گل لا کے کوہجے کملے نوں لج پال نے کرم کما چھڈیا
گل لا کے کوہجے کملے نوں لج پال نے کرم کما چھڈیا
مینوں منگناں پیانئیں در در توں ایسا خیر سخی نے پا چھڈیا
Gul la ke kohjey kammley noo Lajpaal ne karam kama cchadya
Menu mangna peyaan naeen dar dar toon aisa khair sakhi ne pa cchadya
میرا بھریا مرشد کاسہ اے چھڈی تھوڑ نہ کوئی ماسہ اے
زنگ لاہ کے سارے غیراں دے مینوں اپنا رنگ چڑھا چھڈیا
Mera bhariya murshad kaasa ae cchaddi thor na koi maasa ae
Zang laah ke saaray ghairaan de menu apna rang ccharha cchadya
در در تے گدائیاں کیتیاں نئیں اساں ہور کمائیاں کیتیاں نئیں
اک سوہنیاں تیرا ناں سوہناں اساں دم دم نال پکا چھڈیا
Dar dar te gaddyiaan keetiyan naeen asaan hor kamaiyaan keetiyan naeen
Ik sohnia tera naan sohna asaan dam dam nal pakka cchadya
جاواں صدقے چارہ سازیاں توں قربان غریب نوازیاں توں
لجپال نے اپنے لڑ لا کے مینوں ہور دا ہور بنا چھڈیا
Jaavan sadaqay charah saziyaan toon qurban gareeb nawaziyan toon
Lajpaal ne apne lar la ke menu hor da hor bana cchadya
سچ کہناں ڈنڈی مار دا نہیں میں ہور کسے کم کار دا نئیں
دیواں یار دا ہوکا گلی و گلی اس کم مرشد نے لا چھڈیا
Sach kehnan dandi maar da naheen main hor kasay kam kar da naeen
Deewan yaar da haoka gali w gali is kam murshad ne la cchadya
بنی جد توں گولی مرشد دی بولے لوں لوں بولی مرشد دی
اک مست نگاہواں والے نے مینوں ایسا جام پلا چھڈیا
Banee jad toon goli murshad di bolay loon loon boli murshad di
Ik mast nigawa wale ne menu aisa jaam pila cchadya
تیری گلی روے آباد سدا تیری ہندی روے امداد سدا
اک در اتے بہہ جا چپ کر کے میں دل نوں ایہہ سمجھا چھڈیا
Teri gali rove abaad sada teri hundi rove imdaad sada
Ik dar uttay beh ja cchup kar ke main dil noo eh samjha cchadya
ہویاں کرم نوازیاں بڑیاں نے چنگیاں سنگ اکھیاں لڑیاں نے
روے وسدا دوارا سخیاں دا جناں دیکے خیر رجا چھڈیا
Hoyaan karam nawaziyan baryaan ne changiyaan sung akkhiyaan laray ne
Rove wasda doara sakhiyan da jinna deke khair raja cchadya
کیویں بھلاں اپنے ماضی نوں سی جان دا کون نیازی نوں
ہر پاسے تیری نسبت نے میرے نام دا رولا پا چھڈیا
Kiyoon bhlan apne mazi noo si jaan da kon Niazi noo
Har pasay teri nisbat ne mere naam da rola pa cchadya
Share This Naat
Share with friends and family
گل لا کے کوہجے کملے نوں لج پال نے کرم کما چھڈیا
عبدالستار نیازی