غِنا وہ آپ سے پائی ہے یارسول اللہ
کہ تخت ہم کو چٹائی ہے یارسول اللہ
Ghina woh aap se pai hai ya rasool Allah
Ke takht hum ko chatai hai ya rasool Allah
یہ بات نَص میں خود آئی ہے یارسول اللہ
تمہاری ساری خدائی ہے یا رسول اللہ
Yeh baat nas mein khud aai hai ya rasool Allah
Tumhari sari khudai hai ya rasool Allah
تمہاری زلف جو چھائی ہے یارسول اللہ
نثار ہونے شب آئی ہے یارسول اللہ
Tumhari zulf jo chhai hai ya rasool Allah
Nisar hone shab aai hai ya rasool Allah
اُدَھر وہ تیغ کی مانند پل صراط ہے تیز
اِدھر یہ آبلہ پائی ہے یارسول اللہ
Udhar woh tegh ki manind pul sirat hai tez
Idhar yeh aabla pai hai ya rasool Allah
تو سامنے ہے ، نہیں بھی ، تِری ثَنَا مجھ کو
اِک ایسے موڑ پہ لائی ہے یا رسول اللہ
To samne hai, nahi bhi, teri sana mujh ko
Ik aise mor pe laai hai ya rasool Allah
مکینِ دل تو ہے تُو ہی ، دِکھے بھی تو ہی فقط
یہی نظر کی دہائی ہے یارسول اللہ
Maqeen-e-dil to hai tu hi, dikhe bhi tu hi faqat
Yahi nazar ki dehai hai ya rasool Allah
میں چاہتا ہوں کہ جلوہ سمو لوں دل میں تِرا
پر آنکھ بیچ در آئی ہے یارسول اللہ
Mein chahta hoon ke jalwa samo loon dil mein tera
Par aankh beech dar aai hai ya rasool Allah
اے اوس و خزرجِ طیبہ مِلانے والے ، پِھر
خلاف بھائی کے بھائی ہے یارسول اللہ
Ae Aus o Khazraj-e-Taybah milane wale, phir
khilaf bhai ke bhai hai ya rasool Allah
ہیں تیرے سامنے ہژدہ ہزار عالَم یوں
کہ جوں ، ہتھیلی پہ رائی ہے یارسول اللہ
Hain tere samne hazdah hazar aalam yun
Ke jon, hatheli pe rai hai ya rasool Allah
بَنورِ نکتۂِ " لولاک " جگ پہ روشن ہے
تو سب کی عِلّتِ غائی ہے یارسول اللہ
Banor-e-nukta-e-"Lolak" jag pe roshan hai
To sab ki ilat-e-ghai hai ya rasool Allah
ہے چاہِ یوسفی پر خِضْر ، یعنی تا بہ ذَقَن
تمہارے خَط کی رسائی ہے یارسول اللہ
Hai chah-e-yusufi par Khizr, yaani ta be dhaqan
Tumhare Khat ki rasai hai ya rasool Allah
تمہاری نعت سدا بر لبِ معظمؔ ہو
یہی تو اس کی کمائی ہے یا رسول اللہ
Tumhari naat sada bar lab-e-Muazzam ho
Yahi to is ki kamai hai ya rasool Allah
Share This Naat
Share with friends and family
غِنا وہ آپ سے پائی ہے یارسول اللہ
معظم سدا معظم مدنی