غم سینے میں اے سیّدِ ابرار بہت ہے
فرقت میں تری بندہ یہ بیمار بہت ہے
Gham seene mein ae syed-e-abrar bohat hai
Farqat mein teri banda ye beemar bohat hai
اک پل میں سرِ عرش گئے، آئے محمدﷺ
حیراں ہے خرد اس پہ کہ رفتار بہت ہے
Ek pal mein sar-e-arsh gaye, aaye Muhammadﷺ
Hairaan hai khird is pe keh raftaar bohat hai
رتبہ ہے ترا بالا، ترا وصف ہے اعلیٰ
اونچا ترے اخلاق کا معیار بہت ہے
Rutba hai tera baala, tera wasf hai aala
Ooncha tere ikhlaaq ka miyaar bohat hai
للہ مجھے دیجیے اب غم سے رہائی
غم سینے میں اے مونس و غم خوار بہت ہے
Lillah mujhe deejiye ab gham se rehai
Gham seene mein ae monis o gham khwaar bohat hai
اس گلشنِ ہستی یہ خزاں کا ہے تسلّط
پامالِ خزاں دل مرا سرکار بہت ہے
Is gulshan-e-hasti ye khizaan ka hai tasallut
Paamaal-e-khizaan dil mera sarkar bohat hai
بھر دو مرے دامن کو مرادوں سے اے داتا
دنیا میں سخی آپ کا دربار بہت ہے
Bhar do mere daaman ko muraadon se ae daata
Duniya mein sakhi aap ka darbaar bohat hai
احمدؔ کو عطا سوزِ دروں کیجیے آقا
یہ آپ کی الفت کا طلب گار بہت ہے
Ahmad ko ata soz-e-daroon keejiye aaqa
Ye aap ki ulfat ka talabgaar bohat hai
Share This Naat
Share with friends and family
غم سینے میں اے سیّدِ ابرار بہت ہے
مولانا طفیل احمد مصباحی