اے شافعِ اُمَم شہِ ذِی جاہ لے خبر
لِلّٰہ لے خبر مِری لِلّٰہ لے خبر
Ae shafi-e-umam shah-e-zi jaha le khabar
Lil-lah le khabar mari Lil-lah le khabar
دریا کا جوش، ناؤ نہ بیڑا نہ ناخدا
میں ڈُوبا، تُو کہاں ہے مِرے شاہ لے خبر
Darya ka josh, nao na bera na nakhuda
Main dooba, tu kahan hai mi-ray shah le khabar
منزل کڑی ہے رات اندھیری میں نَابَلَدْ
اے خِضر لے خبر مری اے ماہ لے خبر
Manzil kadi hai raat andheri main nabilad
Ae khizr le khabar mari ae mah le khabar
پہنچے پہنچنے والے تو منزل مگر شہا
اُن کی جو تھک کے بیٹھے سرِ راہ لے خبر
Pohanchay pohanchanay walay to manzil magar shaha
Un ki jo thak ke baithay sar-e-rah le khabar
جنگل درندوں کا ہے میں بے یار شب قریب
گھیرے ہیں چار سَمْت سے بدخواہ لے خبر
Jangal darindon ka hai main be yar shab qareeb
Gheray hain char samt se badkhwah le khabar
منزل نئی عزیز جُدا لوگ ناشناس
ٹُوٹا ہے کوہِ غم میں پرِکاہ لے خبر
Manzil nayi aziz juda log nashnas
Toota hai koh-e-gham main par-e-kah le khabar
وہ سختیاں سوال کی وہ صورتیں مُہِیْب
اے غمزدوں کے حال سے آگاہ لے خبر
Wo sakhtiyan sawal ki wo sooraten muheeb
Ae ghamzadun ke haal se agah le khabar
مُجرم کو بارگاہِ عدالت میں لائے ہیں
تکتا ہے بے کسی میں تِری راہ لے خبر
Mujrim ko bargah-e-adalat main laay hain
Takta hai be kisi main teri rah le khabar
اہلِ عمل کو اُن کے عمل کام آئیں گے
میرا ہے کون تیرے سِوا آہ لے خبر
Ahl-e-amal ko un ke amal kaam aayen ge
Mera hai kaun tere siwa aah le khabar
پُر خار راہ، برہنہ پا، تِشنہ آب دور
مَولیٰ پڑی ہے آفتِ جانکاہ لے خبر
Pur khar rah, barhna pa, tishna aab door
Maula pari hai aafat-e-jankah le khabar
باہَر زبانیں پیاس سے ہیں ، آفتاب گرم
کوثر کے شاہ کَثَّرَہُ اللہ لے خبر
Baahar zabanain pyaas se hain, aftab garm
Kausar ke shah kassarhu Allah le khabar
مانا کہ سخت مجرم و ناکارہ ہے رضاؔ
تیرا ہی تو ہے بندۂ درگاہ لے خبر
Mana ke sakht mujrim o nakara hai Raza
Tera hi to hai banda-e-dargah le khabar
Share This Naat
Share with friends and family
اے شافعِ اُمَم شہِ ذِی جاہ لے خبر
نامعلوم