غمِ فُرقت دِلِ عُشّاق کو بے حد رُلاتا ہے
تڑپ اُٹھتے ہیں جب اُن کو مدینہ یاد آتا ہے
Gham-e-furqat dil-e-ushaaq ko bey had rulata hai
Tarap uthte hain jab un ko Madinah yaad aata hai
مجھے اُس کے مُقدَّر پر بڑا ہی رَشک آتا ہے
مدینے کی طرف کوئی مُسافِر جب بھی جاتا ہے
Mujhe us ke muqaddar par bara hi rashk aata hai
Madine ki taraf koi musafir jab bhi jata hai
مجھے اُس وَقْت دیوانے پہ بے حد پیار آتا ہے
غمِ ہجرِ مدینہ میں وہ جب آنسُو بہاتا ہے
Mujhe us waqat deewane pe bey had pyar aata hai
Gham-e-hijr-e-Madinah mein woh jab aansu bahata hai
یہ بیمارِ مدینہ ہے طبیبو! تم نہ سمجھو گے
تڑپتا ہے اِسے جِس دَم مدینہ یاد آتا ہے
Yeh beemar-e-Madinah hai tabibo! tum na samjho ge
Tarapta hai ise jis dum Madinah yaad aata hai
دکھا دو سبز گنبد کی بہاریں یارسولَ اللہ
نہ جانے کب مدینے کا بُلاوا مجھ کو آتا ہے
Dikha do sabz gunbad ki baharein ya-Rasul Allah
Na jane kab Madine ka bulawa mujh ko aata hai
مدد سرکار فرماتے ہیں دیوانہ اگر کوئی
تڑپ کر یارسولَ اللہ کا نعرہ لگاتا ہے
Madad sarkar farmate hain deewana agar koi
Tarap kar ya-Rasul Allah ka nara lagata hai
عطا کردو عطا کردو بقیعِ پاک میں مدفَن
مجھے گورِ غریبانِ وطن سے خوف آتا ہے
Ata kar do ata kar do baqiye paak mein madfan
Mujhe gour-e-ghareeban-e-vatan se khauf aata hai
نہیں ہے چاند سورج کی مدینے کو کوئی حاجت
وہاں دن رات اُن کا سبز گنبد جگمگاتا ہے
Nahi hai chand sooraj ki Madine ko koi haajat
Wahan din raat un ka sabz gunbad jagmagata hai
حُکومت کی طلب دل میں ، نہ خواہِش تاجِ شاہی کی
نظر میں عاشِقوں کے بَس مدینہ ہی سماتا ہے
Hukoomat ki talab dil mein, na khwaahish taj-e-shahi ki
Nazar mein aashiqon ke bas Madinah hi samata hai
سخاوت بھی ترے گھر کی عنایت بھی ترے گھر کی
تِرے دَرکا سُوالی جھولیاں بَھر بَھر کے لاتا ہے
Sakhawat bhi tere ghar ki inayat bhi tere ghar ki
Tere darka suwalee jholiyan bhar bhar ke lata hai
عِبادت ہو تو ایسی ہو ،تِلاوت ہو تو ایسی ہو
سرِ شَبِّیر تو نیزے پہ بھی قُراٰں سُناتا ہے
Ibadat ho to aise ho, tilawat ho to aise ho
Sar-e-Shabbir to neze pe bhi Quran sunata hai
برستی ہے خدا کی اُس پہ رَحمت جھوم کر عطارؔ
غمِ محبوب میں جو کوئی دو آنسو بہاتا ہے
Barashti hai Khuda ki us pe rehmat jhoom kar Attar
Gham-e-mahboob mein jo koi do aansu bahata hai
Share This Naat
Share with friends and family
غمِ فُرقت دِلِ عُشّاق کو بے حد رُلاتا ہے
الیاس عطار قادری