فلک کے چاند سورج ہوں کہ تارے یا رسول اللہ
تمہارے حسن کے آگے ہیں پھیکے یا رسول اللہ
Falak ke chaand sooraj hun ke taare ya Rasool Allah
Tumhare husn ke aage hain pheeke ya Rasool Allah
سنائوں آپ کی مدحت کے نغمے یا رسول اللہ
جب آئیں قبر میںمیری فرشتے یا رسول اللہ
Sunaon aap ki madah ke naghme ya Rasool Allah
Jab aain qabr mein meri farishte ya Rasool Allah
نہیں لاتے کبھی خاطر میں شاہانِ زمانہ کو
غلاموں کے تمہارے ہیں وہ رتبے یا رسول اللہ
Nahi late kabhi khatir mein shahan-e-zamana ko
Ghulamon ke tumhare hain wo rutbe ya Rasool Allah
جبیں سائی کو مل جائے تمہارا روضۂ انور
تڑپتے ہیں جبینِ دل پہ سجدے یا رسول اللہ
Jabeen saai ko mil jaye tumhara roza-e-anwar
Tarapte hain jabeen-e-dil pe sajde ya Rasool Allah
نہیں ہے کوئی غم اس کا تمہاری شان و عظمت پر
چلی جائے ہماری جاں بھی چاہے یا رسول اللہ
Nahi hai koi gham is ka tumhari shan o azmat par
Chali jaye hamari jaan bhi chahe ya Rasool Allah
جنہیں کھا کر ہماری روح بھی سیراب ہوتی ہے
میسر ہوں وہ طیبہ کے نوالے یا رسول اللہ
Jinhein kha kar hamari rooh bhi seeraab hoti hai
Mayassar hon wo Taiba ke niwale ya Rasool Allah
کبھی آنے نہیں دیتے بلائوں کو مِرے گھر پر
تمہارے نامِ اقدس کے ہیں طغرے یا رسول اللہ
Kabhi aane nahi dete balaon ko mire ghar par
Tumhare naam-e-aqdas ke hain tughray ya Rasool Allah
تمہاری شان و عظمت پر فدا کرتاہوں جاں اپنی
’’ تمہارے نام پر دل سے میں صدقے یا رسول اللہ‘‘
Tumhari shan o azmat par fida karta hun jaan apni
"Tumhare naam par dil se main sadqe ya Rasool Allah"
شفیقِؔ خستہ جاں آئے تو ہو کاش انتظام ایسا
نہ آئے پھر مدینے سے پلٹ کے یا رسول اللہ
Shafiq-e-khasta jaan aaye to ho kash intezam aisa
Na aaye phir Madine se palat ke ya Rasool Allah
Share This Naat
Share with friends and family
فلک کے چاند سورج ہوں کہ تارے یا رسول اللہ
شفیق ؔ رائے پوری