دنیا ہے ایک دشت تو گلزار آپ ہیں
اس تیرگی میں مطلعِ انوار آپ ہیں
Duniya hai aik dasht to gulzaar aap hain
Is teeragi mein matla-e-anwaar aap hain
یہ بھی ہے سچ کہ آپ کی گفتار ہے جمیل
یہ بھی ہے حق کہ صاحبِ کردار آپ ہیں
Yeh bhi hai sach ke aap ki guftaar hai jameel
Yeh bhi hai haq ke saahib-e-kirdaar aap hain
ہو لاکھ آفتابِ قیامت کی دھوپ تیز
میرے لیے تو سایہِ دیوار آپ ہیں
Ho laakh aaftaab-e-qiyamat ki dhoop taiz
Mere liye to saaya-e-deewaar aap hain
مجھ کو کسی سے حاجتِ چارہ گری نہیں
ہر غم مجھے عزیز کہ غم خوار آپ ہیں
Mujh ko kisi se haajat-e-chaara-gari nahi
Har gham mujhe azeez ke gham-khwaar aap hain
انسان مال و زر کے جنوں میں ہے مبتلا
اس حشر میں ندیم کو درکار آپ ہیں
Insaan maal o zar ke junoon mein hai mubtala
Is hashr mein nadeem ko darkaar aap hain
Share This Naat
Share with friends and family
دنیا ہے ایک دشت تو گلزار آپ ہیں
احمد ندیم قاسمی