درود اپنے نبی کو پیش کرنا میری عادت ہے
یہی میری محبت ہے یہی میری عبادت ہے
Darood apne nabi ko pesh karna meri adat hai
Yehi meri mohabbat hai yehi meri ibadat hai
انہی کی یاد کی محفل بھی صحنِ دل میں ہے برپا
کرم ہے شاہِ طیبہ کا ملی رحمت ہی رحمت ہے
Inhi ki yaad ki mehfil bhi sehn e dil mein hai barpa
Karam hai Shah e Taiba ka mili rehmat hi rehmat hai
قلم مشغول رہتا ہے مرا آقا کی مدحت میں
بڑی خوش بخت ہوں مجھ کو ملی ایسی سعادت ہے
Qalam mashghool rehta hai mera aaqa ki madahat mein
Bari khush bakht hun mujh ko mili aisi saadat hai
برستی نور کی بارش ہے دربارِ رسالت میں
جہاں آقا کا مسکن ہے وہ نگری رشکِ جنت ہے
Barasti noor ki barish hai darbar e risalat mein
Jahan aaqa ka maskan hai woh nagri reshq e jannat hai
شفاعت کے لیے تشریف لائیں گے شہِ والا
گنہ گاروں کی بخشش حشر میں اُن کی بدولت ہے
Shafaat ke liye tashreef layenge Shah e wala
Gunehgaaron ki bakhshish hashr mein un ki badolat hai
کھلے قسمت مجھے بھی آپ کا دیدار ہو جائے
دعا منظور ہو جائے یہی بس میری چاہت ہے
Khule qismat mujhe bhi aap ka deedaar ho jaye
Dua manzoor ho jaye yehi bas meri chahat hai
اے شاہِ دو جہاں اب ناز کو در پر بلا لیجیے
مدینے میں رہوں اب تا ابد یہ میری حسرت ہے
Ae Shah e Do Jahan ab Naaz ko dar par bula lijiye
Madine mein rahun ab ta abad ye meri hasrat hai
Share This Naat
Share with friends and family
درود اپنے نبی کو پیش کرنا میری عادت ہے
صفیہ ناز