دلنشین خاموشی ، دِلرُبا خطاب اُن کا
مہر بے مثال انؐ کی ، خُلق لاجواب اُن کا
Dilnasheen Khamoshi, Dilruba Khitab Un Ka
Mehr Be-Misaal In Ki, Khulq Lajawab Un Ka
نعمتیں تمام اُن پر ، جو ہیں صاحبِ کوثر
کائنات ساری میں ہے کہاں جواب اُن کا ؟
Naimatein Tamaam Un Par, Jo Hain Sahib-e-Kausar
Kainaat Saari Mein Hai Kaha Jawab Un Ka?
اولیا تو اِک جانب ، انبیاء میں بھی کب ہے
کوئی ہمقدم اُنؐ کا ، کوئی ہمرکاب اُن کا
Auliya To Ik Janib, Ambiya Mein Bhi Kab Hai
Koi Humqadam Un Ka, Koi Hamrakab Un Ka
تیرگی جہالت کی مٹ گئی زمانے سے
خاورِ عرب سے جب اُبھرا آفتاب اُن کا
Tirgi Jahalat Ki Mit Gayi Zamane Se
Khawar-e-Arab Se Jab Ubhra Aftaab Un Ka
سب عبادتیں برحق ، سب ریاضتیں تسلیم
کون دیکھ سکتا ہے حُسنِ بے حجاب اُن کا
Sab Ibadatein Barhaq, Sab Riyazatein Tasleem
Kaun Dekh Sakta Hai Husn-e-Be-Hijaab Un Ka
اِک طرف کھڑے کیوں ہو ‘ بھیک ہر طرف سے لو!
اِک نہیں ہے ہاتھ اُن کا ، اک نہیں ہے باب اُن کا
Ik Taraf Khare Kyun Ho, Bheek Har Taraf Se Lo!
Ik Nahi Hai Haath Un Ka, Ik Nahi Hai Bab Un Ka
آرزوئے سائل ہے ، چشمِ التفات اُن کی
زندگی کا حاصل ہے ، لُطفِ بے حساب اُن کا
Aarzoo-e-Saail Hai, Chashm-e-Iltifaat Un Ki
Zindagi Ka Haasil Hai, Lutf-e-Be-Hisaab Un Ka
اپنی مدح کی خاطر چُن لیا ہے اعظؔم کو
کس قدر کریمانہ ہے یہ انتخاب اُن کا
Apni Madah Ki Khaatir Chun Liya Hai Aazm Ko
Kis Qadar Karimana Hai Ye Intikhab Un Ka
Share This Naat
Share with friends and family
دلنشین خاموشی ، دِلرُبا خطاب اُن کا
محمد اعظم چشتی