اصحاب یوں ہیں شاہِ رسولاں کے ارد گرد
جیسے ستارے ماہِ درخشاں کے ارد گرد
As-Haab yun hain Shah-E-Rasoolaan ke ardh gird
Jaise Sitaare Maah-E-Darakhshaan ke ardh gird
باغِ جناں کی سیر کو جی چاہتا نہیں
پھیرے کیے ہیں ایسے گلستاں کے ارد گرد
Baagh-E-Janaan ki sair ko ji chaahta nahi
Pheere kiye hain aise Gulistaan ke ardh gird
اک آنکھ سوئے عشق ہے اک آنکھ سوئے فرش
کونین ہیں ہمارے دل و جاں کے ارد گرد
Ek aankh soye ishq hai ek aankh soye farsh
Konain hain humaare dil o jaan ke ardh gird
پروانہ بن کے آگئے سدرہ سے جبرئیل
وہ نورِ حق ہے شمعِ فروزاں کے ارد گرد
Parwana ban ke aagaye sidrah se Jibreel
Woh noor-E-Haq hai sham-E-Frozaan ke ardh gird
جب سے زیارت شہِ والا ہوئی نصیب
کونین بس گئے مرے ایماں کے ارد گرد
Jab se ziyaarat Shah-E-Wala hui naseeb
Konain bas gaye mere eemaan ke ardh gird
حسنین یوں حضور کے آغوش و دوش پر
اعراب جیسے آیہء قرآں کے ارد گرد
Hasnain yun Huzoor ke aaghoush o dosh par
Aarab jaise aayah-E-Quran ke ardh gird
روح الامیں سے سیکھئے آدابِ نعتِ پاک
برسوں رہے ہیں حضرتِ حسّاں کے ارد گرد
Ruh ul ameen se seekhiye adab-E-Naat-E-Paak
Berson rahe hain Hazrat-E-Hassaan ke ardh gird
حرمین پہنچا دیکھتے ہی کربلا صبؔیح
کیا معجزے ہیں شاہِ شہیداں کے ارد گرد
Haramain pohancha dekhate hi Karbala Sabeeh
Kya ma'jze hain Shah-E-Shaheedaan ke ardh gird
Share This Naat
Share with friends and family
اصحاب یوں ہیں شاہِ رسولاں کے ارد گرد
سید صبیح الدین صبیح رحمانی