دل مرا مدینے کے آس پاس رہتا ہے
ظاہراً جو سینے کے آس پاس رہتا ہے
Dil mera Madine ke aas paas rehta hai
Zahiran jo seene ke aas paas rehta hai
عشق کے سمندر میں ڈوب کر جو ابھرا ہو
ڈر کہاں سفینے کے آس پاس رہتا ہے
Ishq ke samundar mein doob kar jo ubhra ho
Dar kahaan safeene ke aas paas rehta hai
حاضری میں طیبہ کی جس مقام پر بھی ہوں
ہر مزا ہی جینے کے آس پاس رہتا ہے
Hazri mein Taiba ki jis maqam par bhi hoon
Har maza hi jeene ke aas paas rehta hai
معتکف رہا ہوں میں چھت پہ اُن کی مسجد کی
دھیان اب بھی زینے کے آس پاس رہتا ہے
Mutakif raha hoon main chhat pe un ki masjid ki
Dhyaan ab bhi zeene ke aas paas rehta hai
وصف گر ہوں آقاؐ کا اس لیے قلم میرا
نعت کے قرینے کے آس پاس رہتا ہے
Wasf gar hoon aqa ka is liye qalam mera
Naat ke qareene ke aas paas rehta hai
معتبر خزینہ ہے ہر سخن ثنائوں کا
ذہن اِس خزینے کے آس پاس رہتا ہے
Moatabar khazeena hai har sukhan sanaon ka
Zehn is khazane ke aas paas rehta hai
آنکھ میں سجاتا ہوں منظرِ مدینہ جب
لطف آبگینے کے آس پاس رہتا ہے
Aankh mein sajata hoon manzar-e-Madina jab
Lutf aabgeene ke aas paas rehta hai
آپؐ کے پسینے میں خلد کی ہیں خوشبوئیں
ہر چمن پسینے کے آس پاس رہتا ہے
Aap ke paseene mein khuld ki hain khushbuein
Har chaman paseene ke aas paas rehta hai
آپؐ کی ولادت کا جو مہینہ ہے طاہرؔ
جشن اس مہینے کے آس پاس رہتا ہے
Aap ki wiladat ka jo maheena hai Tahir
Jashn is maheene ke aas paas rehta hai
Share This Naat
Share with friends and family
دل مرا مدینے کے آس پاس رہتا ہے
پروفیسر محمد طاہر صدیقی