دل مرا دنیا پہ شیدا ہوگیا
اے مرے اللہ یہ کیا ہو گیا
Dil mera duniya pe sheida ho gaya
Ae mere Allah ye kya ho gaya
کچھ مرے بچنے کی صورت کیجئے
اب تو جو ہونا تھا مولٰی ہوگیا
Kuch mere bachne ki surat kijiye
Ab to jo hona tha Moula ho gaya
عیب پوشِ خلق دامن سے تِرے
سب گنہگاروں کا پردہ ہوگیا
Aib posh-e-khalq daman se tire
Sab gunahgaaron ka parda ho gaya
رکھ دیا جب اس نے پتھر پر قدم
صاف اک آئینہ پیدا ہوگیا
Rakh diya jab us ne pathar par qadam
Saaf ek aaina paida ho gaya
دور ہو مجھ سے جو اُن سے دور ہے
اس پہ میں صدقے جو ان کا ہوگیا
Door ho mujh se jo un se door hai
Is pe main sadqe jo un ka ho gaya
گرمیٔ بازار مولیٰ بڑھ چلی
نرخِ رحمت خوب سستا ہوگیا
Garmi-e-bazaar Moula barh chali
Narkh-e-rehmat khoob sasta ho gaya
دیکھ کر اُن کا فروغِ حسنِ پا
مہرِ ذَرَّہ چاند تارا ہوگیا
Dekh kar un ka farogh-e-husn-e-pa
Mehar-e-zarra chaand tara ho gaya
رَبِّ سَلِّم وہ اِدھر کہنے لگے
اس طرف پار اپنا بیڑا ہوگیا
Rabbi sallim woh idhar kehne lage
Is taraf paar apna beira ho gaya
ان کے جلووں میں ہیں یہ دلچسپیاں
جو وہاں پہنچا وہیں کا ہوگیا
Un ke jalwon mein hain ye dilchaspiyan
Jo wahan pohncha wahin ka ho gaya
تیرے ٹکڑوں سے پلے دونوں جہاں
سب کا اس در سے گزارا ہوگیا
Tere tukron se pale dono jahan
Sab ka us dar se guzara ho gaya
اَلسَّلَام اے ساکنانِ ُکوئے دوست
ہم بھی آتے ہیں جو اِیما ہوگیا
As-salam ae saakinan-e-kooe dost
Hum bhi aate hain jo eema ho gaya
اُن کے صدقہ میں عذابوں سے چھٹے
کام اپنا نام اُن کا ہوگیا
Un ke sadqa mein azaabon se chhate
Kaam apna naam un ka ho gaya
سر وہی جو اُن کے قدموں سے لگا
دل وہی جو اُن پہ شیدا ہوگیا
Sar wohi jo un ke qadamoon se laga
Dil wohi jo un pe sheida ho gaya
حسن یوسف پر زُلیخا مٹ گئیں
آپ پر اللہ پیارا ہو گیا
Husn-e-Yusuf par Zulaikha mit gayi
Aap par Allah piara ho gaya
اس کو شیروں پر شرف حاصل ہوا
آپ کے دَر کا جو کتا ہوگیا
Us ko sheron par sharaf hasil hua
Aap ke dar ka jo kuta ho gaya
زاہدوں کی خلد پر کیا دھوم تھی
کوئی جانے گھر یہ ان کا ہوگیا
Zaahidon ki khald par kya dhoom thi
Koi jaane ghar ye un ka ho gaya
غول ان کے عاصیوں کے آئے جب
چھنٹ گئی سب بھیڑ رَستہ ہوگیا
Ghol un ke asiyon ke aaye jab
Chhnt gayi sab bheer rasta ho gaya
جا پڑا جو دشتِ طیبہ میں حسنؔ
گلشنِ جنت گھر اس کا ہوگیا
Ja pada jo dasht-e-Tayba mein Hasan
Gulshan-e-Jannat ghar us ka ho gaya
Share This Naat
Share with friends and family
دل مرا دنیا پہ شیدا ہوگیا
حسن رضا خان