Hamad
دل میں کچھ بھی نہ رہے رب کی محبت کے سِوا
دل میں کچھ بھی نہ رہے رب کی محبت کے سِوا
اور کیا چاہیے سرکارﷺ کی چاہت کے سِوا
Dil mein kuch bhi na rahe Rab ki mohabbat ke siwa
Aur kya chahiye Sarkarﷺ ki chahat ke siwa
رب کی رسّی کو پکڑ، ورنہ بکھر جائے گا
ہاتھ آئے گا نہیں کچھ بھی ندامت کے سوا
Rab ki rassi ko pakar, warna bikhar jaye ga
Haath aaye ga nahin kuch bhi nadamat ke siwa
بندگی رب کی کرو، صحبتِ صالح پکڑو
قیمتی شے ہے کوئی دہر میں عزت کے سوا
Bandagi Rab ki karo, sohbat-e-saleh pakarho
Qeemati shay hai koi dehr mein izzat ke siwa
رب کا منشا ہے یہی، سنتِ آقاﷺ ہے یہی
اُلفتیں دل میں رہیں بغض و عداوت کے سوا
Rab ka mansha hai yahi, sunnat-e-Aaqaﷺ hai yahi
Ulfatein dil mein rahen bughz o adavat ke siwa
کچھ نہیں مانگتا مولا! ترا بندہ تجھ سے
حشر میں سیّدِ عالم کی شفاعت کے سوا
Kuch nahin mangta Moula! Tera banda tujh se
Hashar mein Syed-e-Alam ki shafaat ke siwa
نظمِ دنیا کو ذرا غور سے دیکھو سمجھو
کام یہ کون کرے گا بھلا قدرت کے سوا
Nazm-e-dunya ko zara ghor se dekho samjho
Kaam ye kon kare ga bhala qudrat ke siwa
بے گناہوں کو یہاں قتل جو کردیتے ہیں
کچھ نہیں اور ملے گا انہیں ذلت کے سوا
Be gunahon ko yahan qatal jo kar dete hain
Kuch nahin aur mile ga unhein zillat ke siwa
بات دو لفظوں میں یوں ختم کیے دیتا ہوں
’’کچھ نہیں اور یہاں جلوئہ وحدت کے سوا‘‘
Baat do lafzon mein yun khatam kiye deta hoon
"Kuch nahin aur yahan jaluwa-e-wahdat ke siwa"
بچ نہیں پائے گا کوئی بھی اَجل سے طاہرؔ
ہے فنا سب کے لیے دہر میں قدرت کے سوا
Bach nahin paye ga koi bhi ajal se Tahirؔ
Hai fana sab ke liye dehr mein qudrat ke siwa
Share This Naat
Share with friends and family
دل میں کچھ بھی نہ رہے رب کی محبت کے سِوا
طاہر سلطانی