دل جب سے ہے خاکِ رہ قنبر کے برابر
میں خود کو سمجھتا ہوں سکندر کے برابر
Dil jab se hai khaak-e-rah Qanbar ke barabar
Main khud ko samajhta hoon Sikandar ke barabar
سر نقشِ کفِ پائے ابُوذرؔ پہ ہے جب سے
دنیا ہے مرے پاؤں کی ٹھوکر کے برابر
Sar naqsh-e-kaf-e-pa Abu zar pe hai jab se
Duniya hai mere paon ki thokar ke barabar
مشکل ہے، کوئی رُتبہء حیدرؑ کو سمجھ لے
ممکن نہیں قطرہ ہو سمندر کے برابر
Mushkil hai, koi rutba-e-Haidar ko samajh le
Mumkin nahin qatra ho samundar ke barabar
صد شکر مری تشنہ لبی یاد ہے جس کو
بیٹھا ہے وہی ساقئ کوثر کے برابر
Sad shukar meri tashna labi yaad hai jis ko
Baitha hai wahi saqi-e-Kausar ke barabar
نِسبت نہ دو خورشید کو رخسارِ علیؑ سے
کنکر کو نہ لاؤ، رُخِ گوہر کے برابر
Nisbat na do khursheed ko rukhsaar-e-Ali se
Kankar ko na lao, rukh-e-gohar ke barabar
شبّیرؑ کے ہاتھوں پہ تو اصغرؑ تھا وہ لیکن
نِکلا سرِ میداں علی اکبرؑ کے برابر
Shabbir ke haathon pe to Asghar tha wo lekin
Nikla sar-e-maidan Ali Akbar ke barabar
محسؔن کو نہیں خوفِ ”نکیرین “ لَحد میں
کون آئے گا مولاؑ، ترے نوکر کے برابر
Mohsin ko nahi khauf-e "Nakeerain" lahd mein
Kaun aaye ga Maula, tere naukar ke barabar
Share This Naat
Share with friends and family
دل جب سے ہے خاکِ رہ قنبر کے برابر
محسن نقوی