اِس نہج پہ انسان نے سوچا ہی کہاں ہے ؟
شبّیرؑ زمانے میں رسالت کی زباں ہے
Is nahj pe insaan ne socha hi kahan hai?
Shabbir (a.s) zamane mein risalat ki zuban hai
یہ ابر کا ٹکڑا جو بِکھرتا ہے فَضا میں
سادات کے جلتے ہُوئے خیموں کا دُھواں ہے
Yeh abr ka tukra jo bikharta hai faza mein
Sadat ke jalte hue khimon ka dhuwa hai
بہنے لگا ہر ظلم مثالِ خس و خاشاک
زینبؑ، تری تقریر بھی اِک سیلِ رواں ہے
Bahnay laga har zulm misaal-e-khas o khashak
Zainab (a.s), teri taqreer bhi ek sail-e-rawan hai
شبّیرؑ کی آواز جو گونجی سرِ مقتل
زینب یہی سمجھی، علی اکبرؑ کی اذاں ہے
Shabbir (a.s) ki awaaz jo goonji sar-e-maqtal
Zainab yehi samjhi, Ali Akbar (a.s) ki azaan hai
کیوں برق سی گرتی ہے سرِ لشکرِ اعداء
اصغرؑ کے لبوں پر تو تبسّم کا نشاں ہے
Kyoon barq si girti hai sar-e-lashkar-e-ada
Asghar (a.s) ke labon par to tabassum ka nishan hai
بازار کے ہر موڑ پہ زینبؑ نے صدا دی
سجّاد سے پُوچھو، مرا عبّاسؑ کہاں ہے ؟
Bazaar ke har mor pe Zainab (a.s) ne sada di
Sajjad se poocho, mera Abbas (a.s) kahan hai?
شبّیرؑ کا غم بھول کے دنیا کی خبر لے
محسؔن کو ابھی اتنی فراغت ہی کہاں ہے ؟
Shabbir (a.s) ka gham bhool ke duniya ki khabar le
Mohsin ko abhi itni faraghat hi kahan hai?
Share This Naat
Share with friends and family
اِس نہج پہ انسان نے سوچا ہی کہاں ہے ؟
محسن نقوی