دل ہُوا روشن محمدؐ کا سراپا دیکھ کر
ہوگئیں پُر نُور آنکھیں اُن کا جلوہ دیکھ کر
Dil huwa roshan Muhammadؐ ka sarapa dekh kar
Ho gain pur noor aankhein un ka jalwa dekh kar
دنگ ہے دنیا، عقیدت کا یہ نقشا دیکھ کر
سجدہ کرتی ہے جبیں نقشِ کفِ پا دیکھ کر
Dang hai dunya, aqeedat ka yeh naqsha dekh kar
Sajda karti hai jabeen naqsh-e-kaf-e-pa dekh kar
شانِ محبوبِؐ خدا کا غیر ممکن ہے جواب
کہہ اُٹھا سارا زمانہ، ساری دُنیا ، دیکھ کر
Shaan-e-Mahboob-eؐ Khuda ka gher mumkin hai jawab
Keh utha sara zamana, sari dunya, dekh kar
جُھوم اُٹھے گی آرزو، دل کی کل کھِل جائے گی
مُسکرا دیں گے جو مجھ کو میرے آقاؐ، دیکھ کر
Jhoom uthe gi aarzo, dil ki kal khil jaaye gi
Muskura denge jo mujh ko mere Aaqaؐ, dekh kar
صدقے ہو جانے کو پروانے سمٹ کر آگئے
ہر طرف شمعِ رسالت کا اُجالا دیکھ کر
Sadqe ho jane ko parwane simat kar aa gaye
Har taraf shama-e-risalat ka ujala dekh kar
یہ سلاطینِ زمانہ ایک ڈھلتی چھاؤں ہیں
دم بخود دنیا ہے شانِ شاہِؐ بطحا دیکھ کر
Yeh salateen-e-zamana aik dhalte chhaon hain
Dam bakhud dunya hai shaan-e-Shah-eؐ Bat'ha dekh kar
لرزہ براندام ہیں ہر دَور کے لات و منات
کفر کی ظلمت ہے ترساں اُن کا جلوہ دیکھ کر
Larzah bar andam hain har daur ke Laat o Manaat
Kufr ki zulmat hai tarsan un ka jalwa dekh kar
کیا عجب مجھ پر کرم فرمائیں سُلطانِؐ اُمم
ذوقِ دل، ذوقِ وفا، ذوقِ تمنّا دیکھ کر
Kya ajab mujh par karam farmaein Sultan-eؐ Ummat
Zauq-e-dil, zauq-e-wafa, zauq-e-tamanna dekh kar
جا کے بطحا میں وہیں کا ہو کے رہنا تھا تجھے
اے دلِ ناداں! پلٹ آیا یہاں کیا دیکھ کر
Ja ke Bat'ha mein wahin ka ho ke rehna tha tujhe
Ae dil-e-naadaan! Palat aaya yahan kya dekh kar
ہے یہی منشا، یہی مقصد، یہی منزل بھی ہے
اور کیا دیکھیں ترا نقشِ کفِ پا دیکھ کر
Hai yahi munsaha, yahi maqsad, yahi manzil bhi hai
Aur kya dekhein tera naqsh-e-kaf-e-pa dekh kar
مَیں وہ دیوانہ ہُوں دربارِ محمدؐ کا نصیرؔ
ہیں فرشتے وجد میں میرا تماشا دیکھ کر
Main woh deewana hun darbar-e-Muhammadؐ ka Naseerؔ
Hain farishte wajd mein mera tamasha dekh kar
Share This Naat
Share with friends and family
دل ہُوا روشن محمدؐ کا سراپا دیکھ کر
سید نصیرالدیں نصیر