دل ہائے گناہوں سے بیزار نہیں ہوتا
مغلوب شہا! نفسِ بدکار نہیں ہوتا
Dil hai gunahon se bezaar nahi hota
Maghloob shaha! nafs-e-badkaar nahi hota
شیطان مُسلَّط ہے افسوس! کسی صورت
اب صبر گناہوں پر سرکار نہیں ہوتا
Shaytan musallat hai afsos! kisi surat
Ab sabr gunahon par sarkaar nahi hota
اے رب کے حبیب آؤ! اے میرے طبیب آؤ
اچّھا یہ گناہوں کا بیمار نہیں ہوتا
Ae Rab ka Habeeb aao! Ae mere tabeeb aao
Acha yeh gunahon ka beemar nahi hota
گو لاکھ کروں کوشش اِصلاح نہیں ہوتی
پاکیزہ گناہوں سے کِردار نہیں ہوتا
Go lakh karun koshish islaah nahi hoti
Pakeeza gunahon se kirdar nahi hota
یہ سانس کی مالا اب بس ٹوٹنے والی ہے
دل آہ! مگر اب بھی بیدار نہیں ہوتا
Yeh saans ki mala ab bas tootne wali hai
Dil aah! magar ab bhi bedaar nahi hota
سنّت کی طرف لوگو تم کیوں نہیں آجاتے
کیوں سرد گناہوں کا بازار نہیں ہوتا
Sunnat ki taraf logo tum kyu nahi aajate
Kyu sard gunahon ka bazar nahi hota
سرکار کا عاشِق بھی کیا داڑھی مُنڈاتا ہے!
کیوں عِشق کا چِہرے سے اظہا ر نہیں ہوتا
Sarkaar ka aashiq bhi kya daarhi mundata hai!
Kyu ishq ka chehre se izha ar nahi hota
آقا کی اطاعت سے جی اپنا چُراتے ہیں
جو، ایسوں سے خوش ربِّ غفّار نہیں ہوتا
Aaqa ki ita'at se ji apna churate hain
Jo, aison se khush Rabb-e-Ghaffar nahi hota
جینے کا مزہ اُس کو ملتا ہی نہیں جس کا
دل عشقِ محمد سے سرشار نہیں ہوتا
Jeene ka maza usko milta hi nahi jis ka
Dil ishq-e-Muhammad se sarshaar nahi hota
جو یادِ مدینہ میں دن رات تڑپتے ہیں
دُور ان سے مدینے کا دربار نہیں ہوتا
Jo yaad-e-Madina mein din raat tadapte hain
Door un se Madine ka darbar nahi hota
مغموم ہے غم جس کو آقا کا نہیں ملتا
بیمار ہے جو اُن کا بیمار نہیں ہوتا
Maghmoom hai gham jis ko aaqa ka nahi milta
Beemar hai jo un ka beemar nahi hota
خوشیوں میں مَسَّرت میں آسائش و راحت میں
اَسرارِ محبت کا اظہار نہیں ہوتا
Khushiyon mein masarrat mein asayish o rahat mein
Asraar-e-mohabbat ka izhaar nahi hota
وہ عشقِ حقیقی کی لَذّت نہیں پاسکتا
جو رنج و مصیبت سے دو چار نہیں ہوتا
Woh ishq-e-haqiqi ki lazzat nahi paasakta
Jo ranj o museebat se do char nahi hota
اے زائرِطیبہ! تُو دم توڑ دے چوکھٹ پر
دیدار، مدینے کا ہر بار نہیں ہوتا
Ae zair-e-Tayba! Tu dam tod de chaukhat par
Deedaar, Madine ka har baar nahi hota
کون ایسی کرے جُرأَت کہہ سکتا نہیں عاقِل
سرکار کا دیوانہ ہُشیار نہیں ہوتا
Kaun aisi kare juraat keh sakta nahi aaqil
Sarkaar ka deewana hushyar nahi hota
آجائے مدینے میں لے جائے ذراسی خاک
جو ٹھیک کسی صورت بیمار نہیں ہوتا
Aajaye Madine mein le jaye zara si khaak
Jo theek kisi surat beemar nahi hota
اے سائلو! آجاؤ اور جھولیاں پھیلاؤ
دربارِ رسالت سے انکار نہیں ہوتا
Ae sailo! aajao aur jholiyan phelao
Darbaar-e-Risalat se inkaar nahi hota
وہ بَحرِ سخاوت ہیں وہ قاسِمِ نِعمت ہیں
طَیبہ کا گدا ہرگز نادار نہیں ہوتا
Woh bahr-e-sakhawat hain woh qaasim-e-nemat hain
Tayba ka gada hargiz nadar nahi hota
دنیا میں بھی ٹھنڈا ہے عُقبٰی میں بھی ٹھنڈا ہے
جو ان کا ہے دیوانہ وہ خوار نہیں ہوتا
Duniya mein bhi thanda hai uqba mein bhi thanda hai
Jo un ka hai deewana woh khwar nahi hota
دنیا میں بھی جلتا ہے عُقبٰی میں بھی جلتا ہے
میں کیسے کہوں مُنِکر فِی النّار نہیں ہوتا
Duniya mein bhi jalta hai uqba mein bhi jalta hai
Main kaise kahun munkir fi al-nar nahi hota
چھوڑو اے فِرِشتو وہ، آتے ہیں شَفاعت کو
وہ جس کے بھی حامی ہیں فِی النّار نہیں ہوتا
Chhodo ae farishto woh, aate hain shafaat ko
Woh jis ke bhi haami hain fi al-nar nahi hota
افسوس نَدامت بھی عِصیاں پہ نہیں ہوتی
نیکی کی طرف مائل عطارؔ نہیں ہوتا
Afsos nadamat bhi isyan pe nahi hoti
Neki ki taraf mail Attar nahi hota
آقا کا گدا ہو کر عطارؔ تُو گھبرائے
گھبرائے وُہی جس کا غمخوار نہیں ہوتا
Aaqa ka gada ho kar Attar tu ghabraye
Ghabraye wohi jis ka ghamkhwar nahi hota
Share This Naat
Share with friends and family
دل ہائے گناہوں سے بیزار نہیں ہوتا
الیاس عطار قادری