دین حق بچ گیا قربانیِ جاں ایسی تھی
جس پہ کعبہ بھی کرے ناز اذاں ایسی تھی
Din-e-haq bach gaya qurbani-e-jaan aisi thi
Jis pe kaaba bhi kare naaz azaan aisi thi
ایسا دریا تھا کہ ساحل نے بھی پیا سا مارا
پھول کھلتے تھے شہادت کے، خزاں ایسی تھی
Aisa darya tha ke sahil ne bhi piya sa maara
Phool khilte the shahadat ke, khazaan aisi thi
کربلا میں جو وہ سر بیچنے والے آئے
لوٹ لی دین فروشوں نے ، دکاں ایسی تھی
Karbala main jo woh sar bechne wale aaye
Loot li deen faroshon ne, dukaan aisi thi
آگ اور دھوب کے مہماں تھے محمدؐ زادے
سر تھا ہر تن سے جدا، جائے اماں ایسی تھی
Aag aur dhob ke mehmaan the Mohammad (S.A.W) zaade
Sar tha har tan se juda, jaye amaan aisi thi
سارا قرآن اکھڑتی ہوئی سانسوں سے لکھا
تیغ سے تیز چلی ، طبع رواں ایسی تھی
Sara Quran akhart-ti hui sanson se likha
Taigh se tez chali, tab'a rawaan aisi thi
آج بھی تکتا ہے حیرت سے زمانہ جس کو
نظر ایسی تھی دل ایسا تھا زباں ایسی تھی
Aaj bhi takta hai hairat se zamana jis ko
Nazar aisi thi dil aisa tha zubaan aisi thi
لا نہیں سکتا ابد تک کوئی ثانی جن کا
نانا ایسے تھے پدر ایسا تھا ماں ایسی تھی
La nahi sakta abad tak koi sani jin ka
Nana aise the padar aisa tha maan aisi thi
ان میں اے کاش تہتّرواں مظفر ہوتا
مگر اس شخص کی تقدیر کہاں ایسی تھی
In mein ae kaash tahatarwan muzaffar hota
Magar is shakhs ki taqdeer kahan aisi thi
Share This Naat
Share with friends and family
دین حق بچ گیا قربانیِ جاں ایسی تھی
مظفر وارثی