Manqabat
ہو نظر ہم پہ اجمیر والے ہم منگتے ہیں تیری گلی کے
ہو نظر ہم پہ اجمیر والے ہم منگتے ہیں تیری گلی کے
تیرے لطف و کرم کے سہارے بیت جائیں گے دن زندگی کے
Ho nazr hum pe ajmer wale hum mangte hain teri gali ke
Tere lutf o karam ke sahare beet jaen ge din zindagi ke
در سلامت رہے تیرا ساقی دور چلتے رہیں مے کشی کے
خیر ہو چشت کے میکدے کی جام ہم کو بھی دے خواجگی کے
Dar salamat rahe tera saqi dor chalte rahein mai kashi ke
Khair ho chisht ke maikade ki jam hum ko bhi de khwajgi ke
کر کرم صدقہ خواجہ عثماں بھر دے بھر دے فقیروں کا داماں
تیرے در کے بھکاری ہیں خواجہ ہم نہیں ہیں گدا ہر کسی کے
Kar karam sadqa khwaja Usman bhar de bhar de faqiron ka daman
Tere dar ke bhikari hain Khwaja hum nahi hain gada har kisi ke
بعد مدت ہوئی دید تیری دیکھتے ہی ہوئی عید میری
سامنے تم رہو یونہی بیٹھے آ رہے ہیں مزے بندگی کے
Baad muddat hui deed teri dekhte hi hui Eid meri
Samne tum raho yoonhi baithay aa rahe hain maze bandagi ke
تیرے در سے سوالی نہ جائیں جو بھی آئے ہیں خالی نہ جائیں
یہ جہاں والے ہم کو وگرنہ طعنے دیں گے تری دوستی کے
Tere dar se sawali na jaen jo bhi aaye hain khali na jaen
Yeh jahan wale hum ko wagarna taane denge teri dosti ke
آج رکھنا نہ محروم خواجہ ہے ترے فیض کی دھوم خواجہ
تیری محفل میں آئے ہیں ہم بھی شہرے سن کر تمہاری چھٹی کے
Aaj rakhna na mehroom Khwaja hai tere faiz ki dhoom Khwaja
Teri mehfil mein aaye hain hum bhi shehray sun kar tumhari chhuti ke
ہے دلوں پر تری حکمرانی اولیا تیرا بھرتے ہیں پانی
شان و شوکت جھکی تیرے در پر اے میں صدقے تری سادگی کے
Hai dilon par teri hukmrani awliya tera bharte hain pani
Shan o shaukat jhuki tere dar par ae main sadqe teri sadgi ke
غم کے ماروں کی ہے یہ تمنا تیرے در پہ رہے آنا جانا
پھر بھی ہو حاضری تیرے در کی آئیں لمحے یہ پھر بھی خوشی کے
Gham ke maron ki hai yeh tamanna tere dar pe rahe aana jana
Phir bhi ho hazri tere dar ki aayen lamhe yeh phir bhi khushi ke
کوئی ہے شمس کوئی قمر ہے قطب الدین کوئی گنج شکر ہے
میرے خواجہ نے کیسے دئے ہیں چشتیوں کو دیے روشنی کے
Koi hai Shams koi Qamar hai Qutbuddin koi Ganj Shakar hai
Mere Khwaja ne kaise diye hain Chishtiyon ko diye roshni ke
ہوں نیازیؔ پہ تیری عطائیں چل پڑیں پھر کرم کی ہوائیں
صدقہ خواجہ تمہاری چھٹی کا سر سے بادل چھٹیں اب غمی کے
Hon Nyaziؔ pe teri ataaen chal parin phir karam ki howaen
Sadqa Khwaja tumhari chhuti ka sar se badal chhatain ab ghami ke
Share This Naat
Share with friends and family
ہو نظر ہم پہ اجمیر والے ہم منگتے ہیں تیری گلی کے
عبدالستار نیازی