درود بھی پڑھوں نماز کی طرح
کھُلے مری زبان راز کی طرح
Darood bhi parhun namaz ki tarah
Khulay meri zuban raaz ki tarah
محبت رسولؐ رزقِ روح ہے
ضرورتیں بھی ہیں جواز کی طرح
Mohabbat Rasoolؐ rizq-e-rooh hai
Zaruratien bhi hain jawaz ki tarah
وصول کی ہیں مصطفؐےٰ کے نام پر
تمام سختیاں گداز کی طرح
Wusool ki hain Mustafaؐ ke naam par
Tamam sakhtiyan gadaz ki tarah
نگاہِ رحمت اللعّالمین بھی
ہے حکمِ ربِّ کارساز کی طرح
Nigah-e-Rahmatul lil alameen bhi
Hai hukum-e-Rab-e-kar saaz ki tarah
غلامیِ رسولِؐ نامدار پر
میں ناز بھی کروں نیاز کی طرح
Ghulami-e-Rasoolؐ-e-namdar par
Main naaz bhi karun niyaaz ki tarah
امام الانبیاء کی بارگاہ میں
کھڑے ہیں غزنوی ایاز کی طرح
Imam ul Ambiya ki bargah mein
Kharay hain Ghaznavi Ayaz ki tarah
رگوں کے خون سے زیادہ قیمتی
وطن کی خاک بھی حجاز کی طرح
Ragun ke khoon se zyada qeemti
Watan ki khaak bhi Hijaz ki tarah
مظفر انکی راہ میں قدم قدم
بکھر گیا ہوں ارتکاز کی طرح
Muzaffar unki rah mein qadam qadam
Bikhar gaya hoon irtikaaz ki tarah
Share This Naat
Share with friends and family
درود بھی پڑھوں نماز کی طرح
مظفر وارثی