اپنے محبوب کے ،عِشق میں ڈوب کے ‘ مَیں کمالات ادراک دیکھا کروں
اِس جہاں سے سفر ، کر گئے وہ مگر ، اُن کو زندہ تہِ خاک دیکھا کروں
Apne mehboob ke, ishq mein doob ke ‘ main kamalaat idraak dekha karun
Is jahaan se safar, kar gaye wo magar, unko zinda teh khaak dekha karun
نقشِ کونین میں رنگ اُنھوں نے بھر ے ‘ اُن کا سایہ فصیل ِ عدم سے پرے
اُن کی آہٹ کے دریا میں بہتے ہُوئے ‘ وقت کے برگ و خاشاک دیکھا کروں
Naqsh-e-konein mein rang unho ne bhare ‘ unka saaya faseel-e-adam se pare
Unki aahat ke darya mein behte huye ‘ waqt ke barg o khashaak dekha karun
اُن کی معراج اِنساں کی معراج تھی، اُن کے ماتھے کی ہر اِک شکن تاج تھی ،
اُن کی دہلیز پر‘ رکھ دیا جس نے سر ، اُس کے قدموں میں افلاک دیکھا کروں
Unki meraaj insaan ki meraaj thi, unke maathe ki har ik shikan taaj thi,
Unki dehleez par ‘ rakh diya jis ne sar, uske qadamun mein aflaak dekha karun
ذہن جب اُن کی یادیں پرونے لگے ، آنّسووں میں تصوّر بھگو نے لگے
رُوح میں اِک چراغاں سا ہو نے لگے ، تن پہ خوشبو کی پوشاک دیکھا کروں
Zehan jab unki yaadein parone lage, aansuon mein tasawwurr bhigone lage
Rooh mein ik chiraagha sa hone lage, tan pe khushboo ki poshaak dekha karun
ایسا آئینہ ہوں عِشقِ سرکار کا ، اس طرف جس میں منظر ہے اُس پار کا
دیکھنا چاہوں جب ، عکسِ شاہِ عرب ‘ اپنے ہی زخم کے چاک دیکھا کروں
Aisa aaina hun ishq-e-sarkaar ka, is taraf jis mein manzar hai us paar ka
Dekhna chahun jab, aks-e-shah-e-arab ‘ apne hi zakhm ke chaak dekha karun
فکرِ بخشش نہیں ہے مظفّؔر مجھے ، بخش دے گا خُدا روزِ محشر مُجھے
بس یہ ڈھونڈا ہے حل‘ مَیں غریبِ عمل ، سُوئے سُلطان لولاک دیکھا کروں
Fikr-e-bakhshish nahi hai Muzaffar mujhe, bakhsh dega Khuda roz-e-mahshar mujhe
Bas ye dhoonda hai hal ‘ main ghareeb-e-amal, sue Sultan-e-Lolak dekha karun
Share This Naat
Share with friends and family
اپنے محبوب کے ،عِشق میں ڈوب کے
مظفر وارثی