زخم بھر جائیں گے سب چاک گریبانوں کے
سوئے طیبہ تو چلیں قافلے ارمانوں کے
Zakhm bhar jaayein ge sab chaak gareebaano ke
Soye Taiba to chalein qafle armanon ke
جن کو سرکارؐ پلاتے ہیں نظر سے اپنی
وہ تو محتاج نہیں دہر میں پیمانوں کے
Jin ko Sarkarﷺ pilate hain nazar se apni
Woh to mohtaj nahi dehr mein paimanon ke
روضہِ پاک کے پُر کیف نظاروں کی قسم
رنگ پھیکے ہوئے فردوس کے ایوانوں کے
Roza-e-Pak ke pur kaif nazaron ki qasam
Rang pheekay hue firdous ke aiwaanon ke
دینے والے ہیں اگر آپ تو کس بات کا غم
حوصلے بڑھتے رہیں گے مرے ارمانوں کے
Dene wale hain agar aap to kis baat ka gham
Honsle barhte rahenge mere armanon ke
سوزِ الفت غمِ سرکارؐ متاعِ نسبت
سرو ساماں ہیں یہی بے سرو سامانوں کے
Soz-e-ulfat gham-e-Sarkarﷺ mata-e-nisbat
Sar-o-samaan hain yahi be-sar-o-saamaanon ke
اس طرح آپ کے قدموں نے ضیا بار کیا
ذرّے فردوس ِ نظر بن گئے ویرانوں کے
Is tarah aap ke kadmon ne ziya bar kiya
Zarre firdous-e-nazar ban gaye veeranon ke
ایک میں کیا میری جھولی میں ہے وسعت کتنی
تم نے دامن بھرے پھولوں سے بیابانوں کے
Ek main kya meri jholi mein hai wusat kitni
Tum ne daaman bhare phoolon se beaabon ke
وہ تو وہ ان کے غلاموں کا ہے یہ حال کہ اب
رُخ بدل دیتے ہیں اک آن میں طوفانوں کے
Woh to woh un ke ghulaamon ka hai ye haal ke ab
Rukh badal dete hain ik aan mein toofanon ke
آپ کی یاد کو اللہ سلامت رکھے
کام بگڑے ہوئے بن جاتے ہیں انسانوں کے
Aap ki yaad ko Allah salamat rakhe
Kaam bigrhe hue ban jaate hain insanon ke
ہو گئی قلب کی تطہیر ملا کیف و سرور
دور جس وقت چلے نعت کے پیمانوں کے
Ho gayi qalb ki tathir mila kaif o suroor
Dur jis waqt chale naat ke paimanon ke
غیر کا در کبھی دیکھا نہ کبھی دیکھیں گے
آپ جو پالنے والے ہوئے دیوانوں کے
Ghair ka dar kabhi dekha na kabhi dekhen ge
Aap jo paalne wale huwe deewanon ke
چل پڑے شمع نبوت پہ فدا ہونے کو
حوصلے دیکھنا خالدؔ ذرا پروانوں کے
Chal pade shama-e-nabuwat pe fida hone ko
Honsle dekhna Khalid zara parwanon ke
Share This Naat
Share with friends and family
زخم بھر جائیں گے سب چاک گریبانوں کے
خالد محمود خالد