درِ رسولِؐ خدا ہے حضوریوں کا گھر
مرادِ دل ہے مجھے اور بخششوں کا گھر
dar-e rasool-eؐ khuda hai huzuriyon ka ghar
muraad-e dil hai mujhe aur bakhshishon ka ghar
زرِ مراد بفیضِ نبیؐ اگلنے لگا
بنا ہوا تھا جہاں نامرادیوں کا گھر
zar-e muraad bifaiz-e nabiؐ ugalne laga
bana hua tha jahan naamuraadiyon ka ghar
درود خواں ہیں ہمہ وقت دھڑکنیں اس میں
ہمارے سینے میں دل ہے درودیوں کا گھر
darood khawan hain hama waqt dhadkanein is mein
hamare seenay mein dil hai daroodiyon ka ghar
جہاں وہ آ کے چہکتی ہیں مدح گر ہو کر
ہے نخلِ شہرِ تمنّا وہ بلبلوں کا گھر
jahan woh aa ke chehakti hain madh ghar ho kar
hai nakhl-e shehr-e tamanna woh bulbulon ka ghar
بنی جو راغبِ راہِ دیارِ شاہِؐ امم
وہ سطرِ مدحتِ آقاؐ ہے نکہتوں کا گھر
bani jo raaghib-e raah-e diyar-e shah-eؐ umm
woh sattr-e madhat-e aqaؐ hai nakkatton ka ghar
یہیں سے نکلیں یہیں پر ہوا کمال ان کا
نبیؐ کا گھر ہے ازل سے نبوّتوں کا گھر
yahin se niklein yahin par hua kamaal un ka
nabiؐ ka ghar hai azal se nubuwwatton ka ghar
تمام امّتیں ان سے مراد پاتی ہیں
ہے خلدِ شہرِ نبیؐ جملہ امّتوں کا گھر
tamam ummatein un se muraad paati hain
hai khuld-e shehr-e nabiؐ jumla ummaton ka ghar
ہے گوشہ گوشہ مرصّع نبیؐ کی مدحت سے
ہمارا سینہ بھی طاہرؔ ہے مدحتوں کا گھر
hai goshah goshah murassa nabiؐ ki madhat se
hamara seenah bhi Tahirؔ hai madhatton ka ghar
Share This Naat
Share with friends and family
درِ رسولِؐ خدا ہے حضوریوں کا گھر
پروفیسر محمد طاہر صدیقی