در خیر الوری ہے اور میں ہوں
کرم کی انتہا ہے اور میں ہوں
Dar khayr alwara hai aur mein hun
Karam ki inteha hai aur mein hun
نظر کے سامنے ہے سبز گنبد
عطاؤں پر عطا ہے اور میں ہوں
Nazar ke samne hai sabz gunbad
Ataon par ata hai aur mein hun
در محبوب داور پر جھکا ہوں
عطائے کبریا ہے اور میں ہوں
Dar mehboob dawar par jhuka hun
Atae kibriya hai aur mein hun
مواجہ پر لگی ہیں میری نظریں
تصور آپ کا ہے اور میں ہوں
Muwajah par lagi hain meri nazrein
Tasawwor aap ka hai aur mein hun
درودوں کی صدائیں آ رہی ہیں
سلاموں کی صدا ہے اور میں ہوں
Daroodon ki sadayein aa rahi hain
Salamon ki sada hai aur mein hun
ہیں کیف آور مدینے کی ہوائیں
سکوں پرور فضا ہے اور میں ہوں
Hain kaef awar Madine ki hawayein
Sukoon parwar fiza hai aur mein hun
مقدر اوج پر ہے آج کتنا
نبی کا نقش پا ہے اور میں ہوں
Muqaddar ooj par hai aaj kitna
Nabi ka naqsh pa hai aur mein hun
جہاں دیتے ہیں قدسی بھی سلامی
وہ شہر مصطفیٰ ہے اور میں ہوں
Jahan dete hain qudsi bhi salami
Woh shehar Mustafa hai aur mein hun
مجھے اب مشکلوں کا غم نہیں ہے
مرا مشکل کشا ہے اور میں ہوں
Mujhe ab mushkilon ka gham nahi hai
Mera mushkil kusha hai aur mein hun
نیازی اور کیا مانگوں خدا سے
مرا حاجت روا ہے اور میں ہوں
Niazi aur kya maangun khuda se
Mera haajat rawa hai aur mein hun
Share This Naat
Share with friends and family
در خیر الوری ہے اور میں ہوں
عبدالستار نیازی