معمورِ تجلّی ہے مِرے دِل کا نگینہ
اللہ بنائے تو یہ بن جِائے مدینہ
Ma'moor-e-tajalli hai mere dil ka nageena
Allah banaye to ye ban jaye Madeena
اس میں نہ عداوت ہے نہ ظلمت ہے نہ کینہ
روشن ہے غمِ عِشق محمدؐ سے جو سینہ
Is mein na adawat hai na zulmat hai na keena
Roshan hai gham-e-ishq Muhammad (ﷺ) se jo seena
پینے کا مِزا جب ہے کہ ہو ایسا قرینہ
بغداد کا سَاغِر ہو تو اجمیر کی مینا
Peene ka maza jab hai ke ho aisa qareena
Baghdad ka saaghar ho to Ajmer ki meena
ہو جاتی ہے طَے منزل عِرفانِ خدا بھی
مِل جائے اگر اُلفتِ سَر کارِ مَدینہ
Ho jati hai tay manzil irfan-e-Khuda bhi
Mil jaye agar ulfat-e-Sarkar-e-Madeena
ہو پیشِ نظر گنبدِ خِضرا کا نِظارا
اللہ دِکھائے ہمیں وہ دِن وہ مہینہ
Ho peshe nazar gunbad-e-Khizra ka nizaara
Allah dikhaye humein wo din wo maheena
کو نین کی دَولت بھی نہیں جس کے برابر
عِشقِ شہِ کونین ہے ایسا ہی خزینہ
Ko nain ki daulat bhi nahin jis ke barabar
Ishq-e-Shah-e-Konain hai aisa hi khazeena
پِھر دیکھے کوئی سَرور ِ عالم کی عطائیں
آجائے اگر ان کی گدائی کا قرینہَ
Phir dekhe koi Sarwar-e-Alam ki ataayein
Aajaye agar un ki gadaayi ka qareena
سرکار اِسے دامنِ رحمت میں چھپا لو
جائے تو کہاں جائے گنہگار کمینہ
Sarkar ise daaman-e-rehmat mein chhupa lo
Jaye to kahan jaye gunahgar kameena
کام آتا ہے سرکارِ دو عالم کا سہارا
جب گردشِ حالات میں گھرتا ہے سفینہ
Kaam aata hai Sarkar-e-Do Alam ka sahara
Jab gardish-e-halaat mein ghirta hai safeena
طیبہ کی تجلّی سے ہیں معمور دو عالم
سرکار دو عالم ہیں جہاں بھی ہے مدینہ
Tayba ki tajalli se hain ma'moor do alam
Sarkar Do Alam hain jahan bhi hai Madeena
مِٹتے ہی نہیں سرورِ عالم کی فِدائی
ہو عِشق تو مِٹنا ہی حقیقت میں ہے جینا
Mitte hi nahin Sarwar-e-Alam ki fidai
Ho ishq to mitna hi haqeeqat mein hai jeena
اُٹھ جائے نقاب رُخِ پُر نور جو خالدؔ
ہر حُسنِ خود آگاہ کو آجائے پسینہ
Uth jaye naq ab rokh-e-pur noor jo Khalid
Har husn-e-khud aagah ko aajaye paseena
Share This Naat
Share with friends and family
معمورِ تجلّی ہے مِرے دِل کا نگینہ
خالد محمود خالد