گل وچ سوہندی مدنی پی دی نسبت والی گانی ہو
کیوں نہ فر لب اتے ہووے عشق اوہدے دی بانی ہو
Gul vich sohandi madni pi di nisbat wali gani ho
Kyon na far lab ate hove ishq ohde di bani ho
اوہو تیں میں سب دا دلبر جیھڑا رب دا جانی ہو
لاثانی محبوب دی اوہدا آپوں جے لاثانی ہو
Oho ten main sab da dilbar jehra Rab da jani ho
Lassani mehboob di ohda aapo je lassani ho
گیا مکانوں باہر تے پاگیا جگ نو وچ حیرانی ہو
اوسے دے قدماں چمکایا ہر رستہ اسمانی ہو
Gaya makanon bahar te pagya jag nu vich hairani ho
Ose de kadma chmakaya har rastha asmani ho
ہر ہر منزل نوں رشناوے اوہ اسوہ نورانی ہو
قبراں دے وچ جانن کرسی اوہ مکھڑا شعشانی ہو
Har har manzil nu rashnave oh aswa noorani ho
Kabraan de vich jannan karsi oh mukhra shashani ho
بنی گدائی در اوہدے دی تائب لئی سلطانی ہو
فیض ایہہ حضرت باہوؒ دا جس ایدھر ٹوری کانی ہو
Bani gadai dar ohde di taib leyi sultani ho
Faiz eh Hazrat Bahuؒ da jis edhar tori kani ho
Share This Naat
Share with friends and family
گل وچ سوہندی مدنی پی دی نسبت والی گانی ہو
حفیظ تائب