چوم کر جب درِ اقدس کو ہَوا آتی ہے
اِک نئے رنگ سے ماحول کو مہکاتی ہے
Choom kar jab dar-e-aqdas ko hawa aati hai
Ik naye rang se mahol ko mehkaati hai
اُنؐ کی ہی یاد سے ملتی ہے دلوں کو تسکیں
اُن ؐکے ہی ذکر سے رحمت کی گھٹا چھاتی ہے
Un ki hi yaad se milti hai dilon ko taskin
Un ke hi zikr se rehmat ki ghata chhaati hai
اُنؐ کے فیضانِ کرم نے ہَے سنبھالا ہم کو
ورنہ دنیا تو ہر اِک گام پہ ٹھکراتی ہے
Un ke faizaan-e-karam ne hai sanbhala hum ko
Warna duniya to har ik gaam pe thukraati hai
ربّ سے ملنا ہے تو پھر اُنؐ کو بنا لو اپنا
ایک اِک آیہِ قرآں یہی سمجھاتی ہے
Rab se milna hai to phir un ko bana lo apna
Ek ik aayah-e-quraan yahi samjhaati hai
جب کبھی روضئہِ اِقدس کا تصوّر باندھوں
ایک خوشبو سی مِرے دل میں اتر آتی ہے
Jab kabhi rozah-e-aqdas ka tasawwur bandhoun
Ek khushboo si mire dil mein utar aati hai
محفلِ نعت میں خود رحمتِ حق بھی فیضیؔ
مِدحتِ سرورِ کونینؐ پہ اِتراتی ہے
Mehfil-e-naat mein khud rehmat-e-haq bhi Faizi
Midhat-e-sarwar-e-kaunain pe itraati hai
Share This Naat
Share with friends and family
چوم کر جب درِ اقدس کو ہَوا آتی ہے
اسلم فیضی