چنگی اے میرے سنگیو سنگت فقیر دی
وکھری اے سارے رنگاں چوں رنگت فقیر دی
Changi ae mere sangyo sangat faqeer di
Vakhri ae sare rangan chon rangat faqeer di
الله دی سونہہ ہے مٹی نوں اکسیر کر دیوے
آجاوے موج وچہ جے طبیعت فقیر دی
Allah di sohnah hai mitti noon akseer kar dave
Ajaave mauj vich je tabiyat faqeer di
آوے جے کوئی کول تے بھر دین جھولیاں
سارے ای جان دے نیں سخاوت فقیر دی
Aave je koi kol te bhar din jholiyan
Sare ey jaan de ne sakhaawat faqeer di
دکھ دین والے تائین وی دیندے نے ایہہ دعا
دیکھو ایہہ کڈی سوہنی ایں عادت فقیر دی
Dukh den waale taain wi dinde ne eh dua
Dekho eh kadhi sohna ee adat faqeer di
اللہ اوناں دی رکھدا عزت تے آبرو
دل نال جیہڑے کر دے نیں عزت فقیر دی
Allah onaan di rakhda izzat te aabro
Dil naal jehre kar de ne izzat faqeer di
دنیا دے بادشاہ وی دیندے سلامیاں
منی ایں ایناں نیں وی حکومت فقیر دی
Duniya de badshah wi dinde salaamiyan
Mani ae enaan ne wi hukumat faqeer di
عظمت اوہدی دے رہن گے بلدے سدا چراغ
تسلیم کر لئی جہنے عظمت فقیر دی
Azmat ohdi de rehan ge balde sada charaagh
Tasleem kar laee jehne azmat faqeer di
کوئی نہ جانے جیہڑیاں بولے ایہہ بولیاں
جانے کوئی فقیر ای فطرت فقیر دی
Koi na jaane jehriyaan bole eh boliyan
Jaane koi faqeer ee fitrat faqeer di
ایویں حقیر سمجھیں نہ ایناں نوں بیلیا
ہندی خدائی ساری وراثت فقیر دی
Ewein haqeer samjhein na enaan noon bayliya
Hundi khudaai saari viraasat faqeer di
آجاوے یاد اللہ تے محبوب اوسدا
جس ویلے وی چا دیکھئے صورت فقیر دی
Ajaave yaad Allah te mehboob osda
Jis vele vi cha dekhye soorat faqeer di
میرے نیازی ناں دیاں دھماں نے پے گئیاں
حاصل جدوں توں ہو گئی نسبت فقیر دی
Mere Niazi naal diyaan dhamaan ne pay gayiyan
Haasil jadon toon ho gayi nisbat faqeer di
Share This Naat
Share with friends and family
چنگی اے میرے سنگیو سنگت فقیر دی
عبدالستار نیازی