چلتے چلتے جو نظر شہرِ مدینہ آیا
خود بخود زیرِ قدم اوج کا زینہ آیا
Chalte chalte jo nazar shehr-e-Madina aaya
Khud bakhud zair-e-qadam oaj ka zeena aaya
مشک و عنبر کا بھلا اس سے تقابل کیسا
میرے آقاؐ کے بدن پر جو پسینہ آیا
Mushk o anbar ka bhala is se taqabul kaisa
Mere aqaؐ ke badan par jo paseena aaya
بحرِ عصیاں کے تلاطم میں گھرے تھے لیکن
نامِ سرکارؐ سے ، ساحل پہ سفینہ آیا
Behr-e-asyan ke talatum mein ghare the lekin
Naam-e-sarkarؐ se, sahil pe safeena aaya
جس نے تھاما ہے شہِ کون و مکاں کا دامن
اس کے ہاتھوں میں ہی رحمت کا خزینہ آیا
Jis ne thaama hai shah-e-kaun o makaan ka daaman
Us ke haathon mein hi rehmat ka khazeena aaya
قانع و صابر و درویش تھے صفّہ والے
ہاتھ میں شاذ کبھی نانِ شبینہ آیا
Qane' o sabir o darwaish the safa wale
Haath mein shaaz kabhi naan-e-shabeena aaya
Share This Naat
Share with friends and family
چلتے چلتے جو نظر شہرِ مدینہ آیا
حافظ عبدالجلیل