چل پڑو جانبِ حرم لوگو
تم کو اللہ کی قسم لوگو
Chal paro janib-e-haram logo
Tum ko Allah ki qasm logo
روشنی کی نقیب ہوتی ہے
تیرگی بھی ہے محترم لوگو
Roshni ki naqib hoti hai
Tirgi bhi hai mohtaram logo
رونے والے ہی مسکراتے ہیں
اعتبارِ خوشی ہے غم لوگو
Rone wale hi muskurate hain
Aitbaar-e-khushi hai gham logo
کیا ہوا وعدہ استقامت کا
ڈگمگاتے ہیں کیوں قدم لوگو
Kya hua wada-e-istaqamat ka
Dagmagate hain kyun qadam logo
پڑھ کے دیکھو نصابِ مصطفویؐ
سنگ ہے لقمہء شکم لوگو
Parh ke dekho nisab-e-Mustafavi (SAW)
Sang hai luqma-e-shikam logo
حق کی راہوں میں خرچ کرنی ہے
سانس ہے جیب کی رقم لوگو
Haq ki rahon mein kharch karni hai
Saans hai jeeb ki raqam logo
پل صراطوں کو پار کرنا ہے
دور منزل ہے ، وقت کم لوگو
Pul siraton ko paar karna hai
Door manzil hai, waqt kam logo
جب محمدؐ سے ہم کو نسبت ہے
اتنے آزردہ کیوں ہیں ہم لوگو
Jab Muhammad (SAW) se hum ko nisbat hai
Itne aazurda kyun hain hum logo
آرزو ہے کہ اپنے پیروں پر
کھڑے ہو جاؤ ایک دم لوگو
Aarzu hai ke apne pairon par
Khade ho jao aik dam logo
دیس اور دین کی امانت ہے
میری جاں اور مرا قلم لوگو
Des aur deen ki amanat hai
Meri jaan aur mera qalam logo
Share This Naat
Share with friends and family
چل پڑو جانبِ حرم لوگو
مظفر وارثی