حرم بھی رو پڑا، ایسی اذان دی تو نے
گلا کٹا کے خدا کو زبان دی تو نے
Haram bhi ro paRa, aisi azaan di tu ne
Gala kata ke Khuda ko zabaan di tu ne
وہ اعتماد و تیّقن ملے نہ زندوں کو
جس اعتماد و تیّقن سے جان دی تو نے
Wo aitamaad o ta'yayqan mile na zindon ko
Jis aitamaad o ta'yayqan se jaan di tu ne
ذرا سی جگہ بھی خالی نہ جسم پر چھوڑی
ہر ایک تیرِ ستم کو امان دی تو نے
Zara si jagah bhi khaali na jism par chhodi
Har aik teer-e-sitam ko amaan di tu ne
شدید دھوپ پڑی لا الہ کے سر پر
تو اپنی چادرِ کردار تان دی تو نے
Shadeed dhoop paRi la ilaha ke sar par
Tu apni chadar-e-kirdar taan di tu ne
ہر اک شفق سے نمودار ہو لہو تیرا
پرندہ تھا یہ خدا کا، اڑان دی تو نے
Har ek shafaq se numudaar ho lahoo tera
Parinda tha ye Khuda ka, uRaan di tu ne
چراغِ شام بجھا کر دلوں میں نور بھرا
یقیں کو، گھوڑے سے گر کر اٹھان دی تو نے
Chiraagh-e-shaam bujha kar dilon mein noor bhara
Yaqeen ko, ghoRa se gir kar uThaan di tu ne
Share This Naat
Share with friends and family
حرم بھی رو پڑا، ایسی اذان دی تو نے
مظفر وارثی