صدق و یقین و مہر و محبت حسینؑ ہیں
دستورِ زندگی کی حقیقت حسینؑ ہیں
Sadaq o yaqeen o mahr o mohabbat Hussainؑ hain
Dastoor-e-zindagi ki haqeeqat Hussainؑ hain
سجدوں کی کہکشاں سے عبارت ہے جن کی ذات
وہ آشنائے روحِ عبادت حسینؑ ہیں
Sajdon ki kahkashan se ibarat hai jin ki zaat
Wo aashna-e-rooh-e-ibadat Hussainؑ hain
بخشا گیا ہے اُن کو وقارِ خود آگہی
اپنے لئے تو نورِ بصیرت حسینؑ ہیں
Bakhsha gaya hai un ko waqar-e-khud aagahi
Apne liye to noor-e-baseerat Hussainؑ hain
ہر زاویے سے کیوں نہ انہیں معتبر لکھوں
فخرِ حیات و فخرِ شہادت حسینؑ ہیں
Har zawiye se kyun na inhein mo'tabar likhu
Fakhr-e-hayat o fakhr-e-shahadat Hussainؑ hain
جس نے نبیؐ کے دین کو ضو پاش کردیا
اس روشنی کی زندہ علامت حسینؑ ہیں
Jis ne Nabiؐ ke deen ko zo pash kar diya
Us roshni ki zinda alamat Hussainؑ hain
ہر عہد میں لڑیں گے یزیدوں کے ساتھ ہم
ہر عہد میں ہماری ضرورت حسینؑ ہیں
Har ehad mein laren ge yazeedon ke sath hum
Har ehad mein humari zaroorat Hussainؑ hain
دیکھو تو کربلا میں ہیں تکمیل انقلاب
سوچو تو پورے دہر کی قیمت حسینؑ ہیں
Dekho to Karbala mein hain takmeel-e-inqilab
Socho to pore dehr ki qeemat Hussainؑ hain
نوکِ سناں پہ بھی رہا غیرت کا بانکپن
خورشیدِ آسمانِ شجاعت حسینؑ ہیں
Nok-e-sanaan pe bhi raha gairat ka bankapan
Khursheed-e-asman-e-shujaat Hussainؑ hain
Share This Naat
Share with friends and family
صدق و یقین و مہر و محبت حسینؑ ہیں
اسلم فیضی