سناں پہ قاریٔ قرآن سر حسین کا ہے
جو بوسہ گاہِ ملائک ہے در حسین کا ہے
Sanana pe qari-e-qur'an sar Husain ka hai
Jo bosa gah-e-malaik hai dar Husain ka hai
لہو میں رقص کناں ہوگی بوئے مشکِ ختن
درونِ قلب اگر مستقر حسین کا ہے
Lahoo mein raqs kan'na hogi boo'e mushk-e-khatan
Daroon-e-qalb agar mustaqarr Husain ka hai
چلے ہیں دین کی خاطر لٹانے گھر اپنا
اگرچہ سخت کٹھن یہ سفر حسین کا ہے
Chale hain deen ki khatir latan'e ghar apna
Agarche sakht kat'han ye safar Husain ka hai
زمیں ہے آلِ محمد کی صحنِ جنت میں
جو سر پہ سایہ فگن ہے، شجر حسین کا ہے
Zameen hai aal-e-Muhammad ki sa\\hn-e-jannat mein
Jo sar pe saya fagan hai, shajar Husain ka hai
ملی ہے گود میں جس کو شہادتِ عظمیٰ
وہ شیر خوار بھی لختِ جگر حسین کا ہے
Mili hai god mein jis ko shahadat-e-uzma
Woh sher khawar bhi lakht-e-jigar Husain ka hai
حیاتِ جاوداں پائی کٹا کے سر اپنا
قسم خدا کی یہ کارِ ہنر حسین کا ہے
Hayat-e-javdan payi kata ke sar apna
Qasam khuda ki ye kar-e-hunar Husain ka hai
یہی بنائے گا اشفاق سارے کام ترے
گھرانہ سارا بڑا با اثر حسین کا ہے
Yahi banaye ga Ashfaq sare kaam tere
Gharana sara bara ba-asar Husain ka hai
Share This Naat
Share with friends and family
سناں پہ قاریٔ قرآن سر حسین کا ہے
اشفاق احمد غوری