چہک رہا ہے مرا مقدر کہ مصطفیٰ کے دیار میں ہوں
درود لب پر جھکی ہیں نظریں میں رحمتوں کے حصار میں ہوں
Chahak raha hai mera muqaddar ke Mustafa ke dayar mein hoon
Durood lab par jhuki hain nazrein mein rehmaton ke hisar mein hoon
حرم کے جلووں کی جگمگاہٹ نظر سے دل میں اتر رہی ہے
فرشتے گھیرے ہوئے ہیں مجھ کو میں گوشۂ نور بار میں ہوں
Haram ke jalwon ki jagmagahat nazar se dil mein utar rahi hai
Farishtay ghere hue hain mujh ko mein goshah-e-noor bar mein hoon
دعائیں مقبول ہو رہی ہیں اور اشک بھی رنگ لارہے ہیں
سخی کی دہلیز پر کھڑی ہوں گدا گروں کی قطار میں ہوں
Duaen maqbool ho rahi hain aur ashk bhi rang la rahe hain
Sakhi ki dehleez par khadi hoon gada garon ki qataar mein hoon
وہ ہجر کے دن بہت کٹھن تھے خوشا کہ پوری ہوئی تمنا
وصال کے پل بہت حسیں ہیں میں خوب کیف و قرار میں ہوں
Woh hijr ke din bohot kathan the khusha ke poori hui tamanna
Wisaal ke pal bohot haseen hain mein khoob kaif o qaraar mein hoon
ہنر ہے مجھ میں نہ کوئی خوبی بس ان سے نسبت کا آسرا ہے
جو رشکِ خلدِ بریں ہوا ہے میں اس حسیں لالہ زار میں ہوں
Hunar hai mujh mein na koi khoobi bas un se nisbat ka aasarah hai
Jo rashk-e-khuld-e-bareen huwa hai mein us haseen laalah zaar mein hoon
کچھ ایسے اسباب ہو گئے ہیں کہ ناز کی حاضری ہوئی ہے
حضور کی بندہ پروری ہے کہ ان کے قرب و جوار میں ہوں
Kuch aise asbab ho gaye hain ke naaz ki hazri hui hai
Huzoor ki banda parwari hai ke un ke qurb o jawar mein hoon
Share This Naat
Share with friends and family
چہک رہا ہے مرا مقدر
صفیہ ناز