بلندیوں پہ ہمارا نصیب آ پہنچا
زہِے نصیب مدینہ قریب آپہنچا
Bulandiyon pe humara naseeb aa pohancha
Zahe naseeb Madina qareeb aapohancha
نظر میں کعبے کا کعبہ لبوں پہ صَلِّ علیٰ
مِرا کہاں سے کہاں تک نصیب آپہنچا
Nazar mein Kaabe ka Kaaba labon pe sall-e alaa
Mera kahan se kahan tak naseeb aa pohancha
سرِ نیاز جھکاؤ ادب سے دیوانوں
وہ دیکھو گنبدِ خِضرا قریب آپہنچا
Sar-e niyaaz jhukao adab se deewanon
Wo dekho Gunbad-e Khizra qareeb aapohancha
قریب تھا کہ سَفینہ بھنور میں آجاتا
مِری مدد کو خُدا کا حبیبؐ آ پہنچا
Qareeb tha ke safeena bhanwar mein aajata
Meri madad ko Khuda ka Habib (ﷺ) aa pohancha
کھڑی تھی مَوت سر ہانے نئی حیات مِلی
خدا کا شکر کہ میرا طبیب آ پہنچا
Khari thi maut sirhane naye hayaat mili
Khuda ka shukar ke mera tabeeb aa pohancha
میں اپنے شوق کے قرباں تِری عطا کے نثار
شکِستہ پا ترے دَر کے قریب آپہنچا
Main apne shauq ke qurban teri ata ke nisaar
Shikasta paa tere dar ke qareeb aapohancha
نِثار میں کرمِ بے حِسَاب کے خالدؔ
دَیّارِ طیبہ میں مُجھ سا غریب آ پہنچا
Nisaar main karam-e be hisaab ke Khalid
Dayaar-e Taiba mein mujh sa ghareeb aa pohancha
Share This Naat
Share with friends and family
بلندیوں پہ ہمارا نصیب آ پہنچا
خالد محمود خالد