بھولا نہیں مسجد کے وہ مینار مِرا دل
طیبہ میں لگا رہتا ہے سرکار مِرا دل
Bhoola nahi masjid ke woh minar miera dil
Taybah mein laga rehta hai sarkar miera dil
رہتےہیں نگاہوں میں وہ پُر نور نظارے
رہتا ہے سدا حاضرِ دربار مِرا دل
Rehte hain nigahon mein woh pur noor nazaray
Rehta hai sada hazir-e-darbar miera dil
سرکار مجھے اذنِ سفر پھر سے عطا ہو
آنے کے لئے بیٹھا ہے تیار مِرا دل
Sarkar mujhe izn-e-safar phir se ata ho
Aane ke liye baitha hai tayar miera dil
پھر روضۂِ انور کے نظاروں کی طلب ہے
پھر گنبدِ خضرا کا طلبگار مِرا دل
Phir rozah anwar ke nazaron ki talab hai
Phir gunbad-e-khazra ka talibgar miera dil
فیضان ہے یہ نعتِ شہِ کون و مکاں کا
رہتا ہی نہیں اب کبھی بیمار مِرا دل
Faizan hai ye naat-e-sheh-e-koun o makaan ka
Rehta hi nahi ab kabhi bemar miera dil
آ جائیے خوابوں میں کبھی رحمتِ عالم
بیٹھا ہے لئے خواہشِ دیدار مِرا دل
Aa jaiye khwabon mein kabhi rehmat-e-alam
Baitha hai liye khwahish-e-deedar miera dil
کھلتے ہیں شفیق ؔآقا کی یادوں کے شگوفے
کیا خوب بنا بیٹھا ہے گلزار مِرا دل
Khalte hain Shafeeq aaqa ki yaadon ke shagofay
Kya khoob bana baitha hai gulzar miera dil
Share This Naat
Share with friends and family
بھولا نہیں مسجد کے وہ مینار مِرا دل
شفیق ؔ رائے پوری